Дзмітрый Іванавіч Калтуноў

У Вікіпедыі ёсць артыкулы пра іншых людзей з прозвішчам Калтуноў.

Дзмітрый Іванавіч Калтуноў (нар. 12 сакавіка 1975, Мінск, БССР, СССР) — беларускі баскетбаліст, трэнер. Галоўны трэнер мужчынскай нацыянальнай каманды па баскетболе 3х3 (2017—2023).

Дзмітрый Іванавіч Калтуноў
Нарадзіўся	12 сакавіка 1975(1975-03-12) (49 гадоў)
Грамадзянства	Беларусь
Клубная кар’ера[* 1]
1992—1993 РДВАР 1993—1994 Свіслач 1994—1997 РТІ 1997—1998 РДВАР 1998—1999 Барысаў-БДУ
Трэнерская кар’ера
2010—2011 Свіслач трэнер 2015—2017 БДЭУ-ГрандПрынт 2017—2018 Цмокі-Мінск-2 трэнер з 2020 Цмокі-Мінск-2
Колькасць гульняў і балаў за прафесійны клуб лічыцца толькі для розных ліг нацыянальных чэмпіянатаў.

Біяграфія

У баскетбол прыйшоў у 8 гадоў, у СДзЮШАР №10 г. Мінск (цяпер гэта спецыялізаваная школа баскетбольнага клуба «Мінск»). Першы трэнер — Вадзім Мікалаевіч Алексін. Навучаўся ў Рэспубліканскім вучылішчы алімпійскага рэзерву пад кіраўніцтвам Міхаіла Аляксеевіча Тайца. Выступаў за клубы Беларусі і Польшчы. Быў у складзе моладзевай зборнай Беларусі (U-22) на чэмпіянаце Еўропы-1996 (10-е месца).

Па заканчэнні кар’еры баскетбаліста стаў трэнерам. Спачатку працаваў з дзецьмі і ва ўніверсітэце, потым з больш сталымі камандамі: 2 гады працаваў з камандай «Асіповічы». Потым трэнераваў студэнцкую каманду БДЭУ, на базе якой была створана рэзервовая каманда «Цмокі-Мінск», дзе працаваў асістэнтам трэнера Расціслава Вяргуна. Пасля стаў галоўным трэнерам нацыянальнай зборнай па баскетболе 3х3 і галоўным трэнерам мужчынскай моладзевай каманды «Мінск». Пад яго кіраўніцтвам мужчынская зборная Беларусі па баскетболе 3х3 стала бронзавым прызёрам Еўрапейскіх гульняў-2019 у Мінску^[1], моладзевая зборная (U-20) па баскетболе 3х3 стала чэмпіёнам II гульняў краін СНД-2023 у Мінску^[2], сярэбраным прызёрам I гульняў краін СНД-2021 у Казані^[3].

Кар’ера баскетбаліста

• 1992—1993 — РТІ-2-РВАР (Мінск)
• 1993—1994 — АЗАА (Асіповічы)
• 1994—1995 — РТІ (Мінск)
• 1995—1997 — РТІ-РШВСМ (Мінск)
• 1997—1998 — РШВСМ-РВАР (Мінск)
• 1998 — Оксіва (Плешаў, Польшча)
• 1998—1999 — Папірус-БДУ (Барысаў)

Кар’ера трэнера

• 2009—2011 — АЗАА (Асіповічы) (другі трэнер)
• 2011—2012 — БДУІР (Мінск) (другі трэнер)
• 2015—2016 — БДЭУ-РЦАП (Мінск)
• 2016—2017 — БДЭУ-ГрандПрынт (Мінск)
• 2017—2019 — Цмокі-Мінск (рэзервовая каманда) (другі трэнер)
• 2019 — Цмокі-Мінск (рэзервовая каманда)
• 2019—2020 — Цмокі-Мінск (рэзервовая каманда) (другі трэнер)
• 2020—2022 — Цмокі-Мінск (моладзевая каманда)
• з 2022 — Мінск (моладзевая каманда)

Дасягненні

У якасці баскетбаліста

• Чэмпіён Беларусі (1): 1994/1995.
• Сярэбраны прызёр чэмпіянату Беларусі (2): 1992/1993, 1995/1996.
• Бронзавы прызёр чэмпіянату Беларусі (1): 1996/1997.

У якасці трэнера

• Бронзавы прызёр чэмпіянату Беларусі (1): 2018/2019.

Зноскі

1. ЕВРОПЕЙСКИЕ ИГРЫ. В МИНСПОРТА СОСТОЯЛОСЬ ЧЕСТВОВАНИЕ ИГРОКОВ И ТРЕНЕРОВ СБОРНЫХ БЕЛАРУСИ ПО БАСКЕТБОЛУ 3Х3
2. СБОРНЫЕ БЕЛАРУСИ И РОССИИ ПО БАСКЕТБОЛУ 3Х3 – ЧЕМПИОНЫ II ИГР СТРАН СНГ
3. Белорусские баскетболисты завоевали серебро на Играх стран СНГ в Казани