Дамінік Сямашка

У Вікіпедыі ёсць артыкулы пра іншых людзей з прозвішчам Сямашка.

Дамінік Сяма́шка^[1] (літ.: Domininkas Siemaško; 16 жніўня 1878, Вільня — 27 лістапада 1932) — беларускі і літоўскі палітык.

Дамінік Сямашка
міністр беларускіх спраў Літвы 1920 — 1922
Прэзідэнт	Антанас Смятона, Аляксандрас Стульгінскіс
Кіраўнік урада	Казіс Грынюс, Эрнестас Галванаўскас
Папярэднік	Язэп Варонка
Пераемнік	Эрнестас Галванаўскас
Нараджэнне	16 жніўня 1878(1878-08-16) Вільня, Віленскі павет, Віленская губерня, Расійская імперыя
Смерць	27 лістапада 1932(1932-11-27) (54 гады) Коўна, Літва
Партыя	Польская сацыялістычная партыя[d]
Член у	Віленская беларуская рада Рада БНР
Месца працы	Міністэрства беларускіх спраў Літвы Гоман
Узнагароды
Медыяфайлы на Вікісховішчы

Біяграфія

Дамінік Сямашка

У 1898—1901 гадапх член загранічнага саюза польскіх сацыялістаў у Парыжы, Львове і Цюрыху (у Парыжы член студэнцкай арганізацыі «Сувязь»). У 1902 годзе дэлегаваны ў Лондан, дзе займаўся наборам агітацыйных брашур на беларускай мове. Аўтар праекта стварэння Народнага ўніверсітэта імя А. Міцкевіча. Удзельнік беларускага нацыянальнага руху на Віленшчыне, член Віленскай беларускай рады. 25 сакавіка 1918 года ў Мінску ўдзельнічаў у пасяджэнні Рады Беларускай Народнай Рэспублікі, якая абвясціла незалежнасць БНР. Як прадстаўнік беларускіх арганізацый у 1918—1919 гадах уваходзіў у Літоўскую Тарыбу. Быў прыхільнікам федэрацыі Беларусі і Літвы. У складзе літоўскай дэлегацыі ўдзельнічаў у рабоце Парыжскай мірнай канферэнцыі (1919—1920), на якой выступаў за далучэнне Віленшчыны і Гродзеншчыны да Літвы. У чэрвені 1920 — лютым 1922 года кіраўнік Міністэрства беларускіх спраў Літвы. Уваходзіў у склад літоўскай дэлегацыі пры заключэнні мірнага дагавора паміж Літвой і РСФСР 1920 «як прадстаўнік беларускага насельніцтва Віленскай і Гродзенскай губерняў». Падтрымліваў ідэю «вялікай Літвы» за кошт этнічна беларускіх тэрыторый. Пазней працаваў у літоўскай пажарнай ахове.

Зноскі

1. БелЭн 2002.

Літаратура

• Уладзімір Міхнюк. Сямашка Дамінік // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 475. — 10 000 экз. — ISBN 985-11-0214-8.
• Міхнюк У. М. Сяма́шка Дамінік // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 342. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• Domininkas Siemaška // LNB Mokslo ir enciklopedijų leidybos centras (літ.)