Вікторыя (кронпрынцэса Швецыі)

У Вікіпедыі ёсць артыкулы пра іншых людзей з імем Вікторыя.

Кронпрынцэса Вікторыя (поўнае імя Вікторыя Інгрыд Аліса Дэзірэ, Victoria Ingrid Alice Désirée), герцагіня Вестэрготландская (шведск.: Kronprinsessan Victoria, Sveriges kronprinsessa, hertiginna av Västergötland; нар. 14 ліпеня 1977 г., Стакгольм) — спадчынніца шведскага трону, дачка караля Швецыі Карла XVI Густава з дынастыі Бернадотаў і каралевы Сільвіі, старэйшая сястра прынца Карла Філіпа і прынцэсы Мадлен. Вікторыя пры нараджэнні мела званне прынцэсы, але пасля канстытуцыйнай рэформы 1980 года, якая змяніла парадак спадкавання прастолу, стала спадчыннай прынцэсай Швецыі.

Вікторыя
кронпрынцэса Швецыі з 1 студзеня 1980
Нараджэнне	14 ліпеня 1977(1977-07-14)[1][2][…] (47 гадоў) Karolinska University Hospital[d], камуна Сольна, лен Стакгольм, Швецыя
Род	Бернадоты
Імя пры нараджэнні	шведск.: Victoria Ingrid Alice Désirée[2]
Бацька	Карл XVI Густаў[2]
Маці	Сільвія Рэната Зомерлат[2]
Муж	Олаф Даніэль Вестлінг[2][3]
Дзеці	Эстэль, герцагіня Эстэргётландская[2] і Оскар, герцаг Сконэ[2]
Веравызнанне	Шведская царква
Член у	Каралеўская акадэмія славеснасці, гісторыі і антыкварыяту[d]
Адукацыя	Упсальскі ўніверсітэт (чэрвень 2009) Enskilda Gymnasiet[d] Заходні каталіцкі ўніверсітэт (1997) Ельскі ўніверсітэт (2000)
Навуковая ступень	бакалаўр мастацтваў[d] (чэрвень 2009)
Аўтограф
Манаграма
Прыналежнасць	Швецыя
Узнагароды	кавалер Вялікага крыжа ордэна «За заслугі перад Італьянскай Рэспублікай»[d] (2001)
Медыяфайлы на Вікісховішчы

Біяграфія

Вікторыя нарадзілася 14 ліпеня 1977 г у шпіталі Каралінскага ўніверсітэта ў прыгарадзе Стакгольма — Сольнэ і была першым дзіцем у сям’і караля Швецыі Карла XVI Густава і каралевы Сільвіі. Імяніны прынцэсы адзначаюцца 12 сакавіка, а ў дзень нараджэння, 14 ліпеня, абавязкова падымаецца дзяржаўны сцяг.

Была хрышчоная ў Каралеўскай Царкве Швецыі 27 верасня 1977 года. Яе хроснымі бацькамі сталі кароль Нарвегіі Харальд V, дзядзька па матчынай лініі, Ральф Зомерлат, каралева Нідэрландаў Беатрыкс і яе цётка княгіня Дэзірэ, баранэса Сілфлайшэлд.

Вікторыя, кронпрынцэса Швецыі, 2010.

Вікторыя з’яўляецца адзінай у свеце жанчынай-спадчынніцай каралеўскага трона (з тых, хто займае першае месца ў спісе прастоласпадкавання) і носіць тытул Яе каралеўская вялікасць кронпрынцэса. Па лініі свайго бацькі, які з’яўляецца траюрадным братам каралевы Лізаветы II, яна таксама з’яўляецца спадчынніцай брытанскага трону ў чарговасці атрымання на 205 месцы.

Зноскі

1. Lewis R. Victoria Swedish princess // Encyclopædia Britannica Праверана 9 кастрычніка 2017.

   <a href='https://wikidata.org/wiki/Track:Q5375741'></a>
2. Lundy D. R. Victoria Ingrid Alice Désirée Bernadotte, Crown Princess of Sweden // The Peerage Праверана 9 кастрычніка 2017.

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
3. (unspecified title) Праверана 7 жніўня 2020.

Спасылкі

• На Вікісховішчы ёсць медыяфайлы па тэме Вікторыя (кронпрынцэса Швецыі)