Вялікааўцюкоўскі сельсавет

Вялікааўцюко́ўскі сельсавет — адміністрацыйна-тэрытарыяльная адзінка ў складзе Калінкавіцкага раёна Гомельскай вобласці Беларусі. Адміністрацыйны цэнтр — вёска Вялікія Аўцюкі.

Вялікааўцюкоўскі сельсавет
Краіна	Беларусь
Уваходзіць у	Калінкавіцкі раён
Уключае	5 населеных пунктаў
Адміністрацыйны цэнтр	Вялікія Аўцюкі
Дата ўтварэння	8 снежня 1926
Насельніцтва (2019)	622
Часавы пояс	UTC+03:00
Код аўтам. нумароў	3

Пасля другога ўзбуйнення БССР з 8 снежня 1926 года Вялікааўцюкоўскі (Аўцюцавіцкі) сельсавет у складзе Юравіцкага раёна Рэчыцкай акругі БССР. З 9 чэрвеня 1927 года ў складзе Мазырскай акругі. 10 лістапада 1927 года сельсавет узбуйнены шляхам далучэння тэрыторыі скасаванага Борускага сельсавета. Пасля скасавання акруговай сістэмы 26 ліпеня 1930 года сельсавет у Юравіцкім раёне БССР. З 8 ліпеня 1931 года ў Мазырскім раёне БССР, з 21 чэрвеня 1935 года — Мазырскай акругі, з 20 лютага 1938 года — Палескай вобласці. З 3 ліпеня 1939 года ў Калінкавіцкім раёне Палескай вобласці, з 8 студзеня 1954 года — Гомельскай вобласці. На 1 студзеня 1974 года ў складзе Вялікааўцюкоўскага сельсавета 2 населеныя пункты^[1]. 1 снежня 2009 года да сельсавета далучана тэрыторыя скасаванага Хобненскага сельсавета (вёскі Дзеравішча, Муціжар і Хобнае)^[2].

Насельніцтва сельсавета паводле перапісу 2009 года (2 населеныя пункты) — 574 чалавекі^[3], з іх 98,4 % — беларусы, 1,2 % — рускія^[4]; паводле перапісу 2019 года (5 населеных пунктаў) — 622 чалавекі^[5].

Зноскі

1. Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 87. — 248 с. — 10 000 экз.
2. Решение Гомельского областного Совета депутатов от 1 декабря 2009 г. № 281 Об изменении административно-территориального устройства Калинковичского района Гомельской области Архівавана 29 кастрычніка 2013.
3. Колькасць насельніцтва населеных пунктаў Гомельскай вобласці Беларусі паводле перапісу 2009 года
4. Этнічны склад насельніцтва сельсаветаў Беларусі паводле перапісу 2009 года
5. Колькасць насельніцтва населеных пунктаў Гомельскай вобласці Беларусі паводле перапісу 2019 года