Васіль Філімонавіч Шавура

Васі́ль Філімо́навіч Шаву́ра (6 лістапада 1912(1912-11-06), Гарадчэвічы, Лепельскі раён — 13 красавіка 2007(2007-04-13), Масква)^[1]) — савецкі партыйны і дзяржаўны дзеяч, першы сакратар Мінскага абкама КПСС (1956—60), загадчык Аддзела культуры ЦК КПСС (1965—1986).

Васіль Філімонавіч Шавура
6-ы Старшыня Вярхоўнага Савета БССР 28 сакавіка 1963 — 22 снежня 1965
Папярэднік	Цімафей Сазонавіч Гарбуноў
Пераемнік	Яўген Іванавіч Скурко
Нараджэнне	6 лістапада 1912(1912-11-06) Гарадчэвічы, Горскі сельсавет, Лепельскі раён, Беларусь
Смерць	13 красавіка 2007(2007-04-13) (94 гады) Масква, Расія
Месца пахавання	Траякураўскія могілкі
Партыя	КПСС з 1940 года
Адукацыя	Магілёўскі педагагічны інстытут (1936)
Узнагароды

Член КПСС з 1940 г., кандыдат у члены ЦК КПСС у 1966—1986 гг. Дэпутат Вярхоўнага Савета СССР 5—11 скліканняў (1958—87).

Біяграфія

Нарадзіўся 6 лістапада 1912 года ў в. Гарадчэвічы (цяпер — Лепельскі раён Віцебскай вобласці).

У 1936 годзе скончыў Магілёўскі педагагічны інстытут (завочна).

З 1930 г. працаваў настаўнікам, загадчыкам вучэбнай часткай, дырэктарам сярэдняй школы ў Віцебскай вобласці.

У 1942 годзе скончыў ВПШ пры ЦК УКП(б). У 1942—1947 гг. — у апараце ЦК УКП(б).

У 1947—1948 гг. — у апараце ЦК КП(б) Беларусі — загадчык Аддзелам прапаганды Упраўлення прапаганды і агітацыі,

У 1948—1956 гг. — сакратар Мінскага абкама КП Беларусі,

У 1956—1960 гг. — першы сакратар Мінскага абкама КП Беларусі,

У 1960—1965 гг. — сакратар ЦК КП Беларусі, адначасова — Старшыня Вярхоўнага Савета БССР (1963—1965 гг.).

У 1965—1986 гг. — загадчык Аддзела культуры ЦК КПСС.

З 1986 года на пенсіі.

Памёр 13 красавіка 2007 года ў Маскве. Пахаваны ў Маскве на Траекураўскіх могілках (нав. 5)^[1].

Цікавыя факты

В. Ф. Шавура вядомы сваёй тайнай барацьбой з А. М. Якаўлевым у бытнасць таго в. а. загадчыка аддзела прапаганды ЦК КПСС (1969—1973). У гэтай барацьбе выйшаў пераможцам (пры падтрымцы пісьменнікаў і навукоўцаў), Якаўлеў быў зняты з пасады. Пасля вяртання Якаўлева на працу ў апарат ЦК КПСС (1986) Шавура быў адпраўлены на пенсію.

Зноскі

1. Московские могилы.