Валянцін Барысавіч Рыбакоў

У Вікіпедыі ёсць артыкулы пра іншых людзей з прозвішчам Рыбакоў.

Валянці́н Бары́савіч Рыбако́ў (нар.1958, Томск, РСФСР) — беларускі дыпламат.

Валянцін Барысавіч Рыбакоў
Пастаянны прадстаўнік Рэспублікі Беларусь пры Арганізацыі Аб'яднаных Нацый з 7 жніўня 2017
Папярэднік	Андрэй Дапкюнас
Намеснік міністра замежных спраў студзень 2013 — 7 жніўня 2017
Нараджэнне	1958 Томск, Томская вобласць, РСФСР, СССР
Жонка	Наталля Пяткевіч
Дзеці	Філіп
Адукацыя	Мінскі дзяржаўны педагагічны інстытут замежных моў (1980)
Прафесія	дыпламат

Біяграфія

Нарадзіўся ў 1958 годзе ў Томску. Бацька быў ваенным. Калі Валянціну не было яшчэ двух год, яго бацьку з сям’ёй накіравалі ў БССР, на поўдзень рэспублікі^[1]. З залатым медалём скончыў сярэднюю школу.

У 1980 годзе скончыў з адзнакай перакладчыцкі факультэт Мінскага дзяржаўнага педагагічнага інстытута замежных моў па спецыяльнасці «Англійская і французская мовы». Адразу пасля сканчэння ўніверсітэта быў накіраваны ў Пасольства СССР у Індыі на пасалу перакладчыка ў апараце дарадчыка па эканамічных пытаннях^[1].

З 1993 года на дыпламатычнай службе. У 1994 годзе прайшоў трохмесячную стажыроўку для дыпламатаў з краін былога СССР у Інстытуце знешнепалітычнай службы Дзяржаўнага дэпартамэнту ЗША.

У 1993—1994 гадах — трэці сакратар Сакратарыята Міністэрства замежных спраў Рэспублікі Беларусь. У 1994—1999 гадах працаваў першым сакратаром Пасольства Рэспублікі Беларусь у ЗША. У 1999—2001 гадах — начальнік упраўлення міжнароднай бяспекі і кантролю над узбраеннямі Міністэрства замежных спраў Рэспублікі Беларусь. У 2001—2003 гадах — саветнік Пастаяннага прадстаўніцтва Рэспублікі Беларусь пры ААН. У 2003—2005 гадах працаваў саветнікам, саветнікам-пасланнікам Пасольства Рэспублікі Беларусь у ЗША. У 2005 годзе назначаны начальнікам упраўлення Амерыкі Міністэрства замежных спраў Рэспублікі Беларусь. У 2005—2006 гадах — пасол па асобых даручэннях Міністэрства замежных спраў Рэспублікі Беларусь. У 2006—2013 гадах — памочнік Прэзідэнта Рэспублікі Беларусь. Са студзеня 2013 года па 7 жніўня 2017 года^[2] працаваў намеснікам Міністра замежных спраў Рэспублікі Беларусь.

7 жніўня 2017 года прызначаны на пасаду прадстаўніка Беларусі пры ААН^[3].

Мае дыпламатычны ранг Надзвычайнага і Паўнамоцнага Пасла. Валодае англійскай і французскай мовамі.

Сям’я

Жонка — Наталля Уладзіміраўна Пяткевіч (1972 г.н.), былая першая намесніца кіраўніка Адміністрацыі Прэзідэнта Рэспублікі Беларусь.

Мае сына.

Зноскі

1. Постпред Беларуси при ООН Валентин Рыбаков: Санкции — тоже оружие массового поражения
2. Пастанова Савета Міністраў Рэспублікі Беларусь ад 7 жніўня 2017 года № 591 «Аб вызваленні і назначэнні некаторых службовых асоб» Архівавана 19 мая 2021.
3. Указ Президента Республики Беларусь № 279 «О В. Б. Рыбакове» (руск.). Национальный правовой Интернет-портал Республики Беларусь (7 жніўня 2017).