Ваеннаабавязаны

Ваеннаабавязаны – грамадзянін, які знаходзіцца ў запасе Узброеных Сіл або іншых воінскіх фарміраванняў. Як правіла, гэта рэзерв, які фарміруецца для камплектавання на ваенны час.

Запас Узброеных Сіл ствараецца з ліку грамадзян:

• Звольненых з вайсковай службы, службы ў рэзерве ў запас Узброеных Сіл;
• Якія прайшлі навучанне па праграмах падрыхтоўкі афіцэраў запасу на ваенных кафедрах або факультэтах;
• Вызваленых ад прызыву на ваенную службу, службу ў рэзерве;
• Якія адбылі пакаранне ў выглядзе пазбаўлення волі ў папраўчых установах;
• Якія не прайшлі ваенную службу па дасягненні імі 27-гадовага ўзросту;
• Якія прайшлі службу ў органах унутраных спраў, Следчым камітэце, Дзяржкамітэце судовых экспертыз, органах фінансавых расследаванняў, органах і падраздзяленнях па надзвычайных сітуацыях і залічаных у запас Узброеных Сіл;
• Прызнаных па стане здароўя непрыдатнымі да ваеннай службы ў мірны час;
• Якія прайшлі альтэрнатыўную службу;
• Жаночага полу, якія маюць ваенна-ўліковую спецыяльнасць;
• Накіраваных для пастаноўкі на воінскі ўлік у ваенны камісарыят (адасобленае падраздзяленне) па месцы жыхарства^[1].

Гл. таксама

• Воінскі абавязак у Беларусі
• Альтэрнатыўная служба ў Беларусі