Букакветныя

Букакветныя (Fagales) — парадак пакрытанасенных раслін, які ўключае некалькі добра вядомых сямействаў дрэваў, такіх як Бярозавыя, Букавыя, Арэхавыя і некаторыя іншыя.

Букакветныя
Бук лясны (Fagus sylvatica)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя[1] Клас:  Двухдольныя[2] Парадак:  Букакветныя
Міжнародная навуковая назва
Fagales Engl., 1892
Сямействы
Бярозавыя (Betulaceae) Casuarinaceae Букавыя (Fagaceae) Арэхавыя (Juglandaceae) Myricaceae Nothofagaceae Раіптэлейныя (Rhoipteleaceae) Ticodendraceae
Сістэматыка на Віківідах Выявы на Вікісховішчы ITIS   19273 NCBI   3502 EOL   4184 FW   54902

Батанічная характарыстыка парадку

Сямействы парадку Букакветныя (у адпаведнасці з сучаснай сістэмай класіфікацыі APG II) пераважна ветраапыляльныя кусты ці дрэвы з жалезістымі ці зорчатымі валаскамі. Часта аднаполыя, але звычайна аднадомна размеркаваныя кветкі маюць просты, як правіла, вельмі рэдукаваны калякветнік, і, як правіла, ніжнюю завязь з вельмі невялікай колькасцю семязавязяў у пладалісціку. Пылковая трубка пранікае ў (няспелую) семязавязь праз халазу, плод — звычайна аднанасенны арэх, насенне без эндасперма.

Класіфікацыя

Старыя крыніцы, якія выкарыстоўваюць сістэму класіфікацыі Кронквіста, уключалі ў гэты парадак толькі чатыры сямействы: бярозавыя (Betulaceae), ляшчынавыя (Corylaceae), букавыя (Fagaceae) і Ticodendraceae (у сучасных сістэмах класіфікацыі ўсе ляшчынавыя уключаны ў сямейства бярозавых). Астатнія сямействы разбівалі ў тры розных парадку і размяшчалі іх у падкласе Hamamelidae. Casuarinales утрымлівалі ў сабе адно сямейства Casuarinaceae, Hamamelididae утрымлівалі сямействы арэхавых (Juglandaceae) і раіптэлейных (Rhoipteleaceae), а Myricales астатнія сямействы (а таксама Belanops).

Прычынай змяненняў сталі даследаванні, падчас якіх стала зразумела, што Myricales, вызначаныя такім чынам, з'яўляюцца парафілетычнымі ў адносінах да дзвюх іншых груп.

• 
  Casuarina equisetifolia
• 
  Жалуды Quercus ilex
• 
  Лісце і арэхі Corylus colurna
• 
  Nothofagus obliqua
• 
  Вольха шэрая (Alnus incana)

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».

Літаратура

• Ботаника. Учебник для вузов: в 4 т = Lehrbuch der Botanik für Hochschulen Begründet von E. Strasburger, F.Noll / Под ред. А. К. Тимонина, И. И. Сидоровой. — М.: Изд. центр «Академия», 2007. — Т. 3. — С. 472. — 576 с. — ISBN 978-5-7695-2746-3.

Спасылкі

• Букакветныя: інфармацыя на сайце APWeb (англ.) (Праверана 20 красавіка 2010)