Медалі ВДНГ — нагрудныя знакі ўзнагароды Усесаюзнай сельскагаспадарчай выстаўкі, Выстаўкі дасягненняў народнай гаспадаркі СССР (ВДНГ СССР) і пазней Усерасійскага выставачнага цэнтра.
Медалі УСГВ
Удзельнікі УСГВ, якія паказалі лепшыя ўзоры працы, узнагароджваліся медалямі выстаўкі, якія прысуджаліся галоўным камітэтам:
- У 1939—1940 гадах — вялікім і малым залатым, вялікім і малым сярэбраным медалямі «Перадавіку сацыялістычнай сельскай гаспадаркі».
- З 1954 года — вялікім і малым залатым, вялікім і малым сярэбраным медалямі «За поспехі ў сацыялістычнай сельскай гаспадарцы».
- З 1955 года — медалямі ўдзельніка УСГВ і сведчаннямі, у якіх паказваліся нумар медаля і дата выдачы.
Удзельнікі выстаўкі адзначаліся таксама знакамі «Удзельнік усесаюзнай сельскагаспадарчай выстаўкі» і «Юны ўдзельнік усесаюзнай сельскагаспадарчай выстаўкі». Іншыя ўдзельнікі УСГВ узнагароджваліся граматамі і сведчаннямі без медалёў.
Медалі ВДНГ
Пасля стварэння ВДНГ СССР узнагароджанні праводзіліся Галоўным камітэтам ВДНГ СССР:
- У 1959—1962 гадах — вялікім і малым залатым, вялікім і малым сярэбраным медалямі «За поспехі ў народнай гаспадарцы СССР».
- У 1962—1986 гадах — залатым, сярэбраным і бронзавым медалямі «За поспехі ў народнай гаспадарцы СССР». Акрамя медалёў, удзельнікі выстаўкі ўзнагароджваліся каштоўнымі прэміямі. Часам выдача медалёў і каштоўных прэмій адбываліся адначасова. Выдачы медалёў і каштоўных прэмій (у форме разнастайных падарункаў) адбываліся на падставе пастаноў Галоўнага камітэта Савета ВДНГ. Выпіскі з дадатку да пастаноў выдаваліся ўсім узнагароджаным.
- У 1959—1987 гадах — медалямі «Юны ўдзельнік ВДНГ» (адначасова ў выдадзеных пасведчаннях пазначаліся нумар і дата выдачы медалёў).
- З 1987 года — медалямі «Лаўрэат ВДНГ СССР» (з 1992 года — УВЦ) дзвюх ступеняў.
У 1999 годзе ўдзельнікі выстаўкі былі ўзнагароджаны медалём «60 гадоў УСГВ — ВДНГ СССР — УВЦ».
Апісанне
Асноўным сюжэтам нагрудных знакаў з'яўляецца саюз рабочага класа і сялянства, які меў розны мастацкі выгляд у розныя гады існавання ўзнагароды.
Залаты медаль ВДНГ
Сярэбраны медаль ВДНГ
Бронзавы медаль ВДНГ
Пасведчанне пра ўзнагароджанне залатым медалём ВДНГ, 1967 год
Пасведчанне пра ўзнагароджанне сярэбраным медалём ВДНГ, 1960 год
Пасведчанне пра ўзнагароджанне бронзавым медалём ВДНГ, 1967 год
Гл. таксама
- ВДНГ
Зноскі
Спасылкі
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
