Бернард Хіл (англ.: Bernard Hill; 17 снежня 1944, Манчэстэр — 5 мая 2024, Лондан[4][5]) — брытанскі акцёр. За сваю амаль пяцідзесяцігадовую кар’еру сыграў шмат роляў у кіно, тэатры і на тэлебачанні. Найбольш вядомы па ролях капітана Эдварда Джона Сміта ў фільме «Тытанік»[6], караля Тэадэна ў кінатрылогіі «Уладар пярсцёнкаў»[7] і рэктара турмы Сан-Квенцін у драме «Сапраўднае злачынства». Хіл з’яўляўся адзіным акцёрам, які зняўся больш чым у адным фільме, узнагароджаным 11 прэміямі «Оскар» («Тытанік», «Уладар пярсцёнкаў: Вяртанне караля»)[8][9][10].
| Бернард Хіл | |
|---|---|
| англ.: Bernard Hill | |
.jpg) | |
| Дата нараджэння | 17 снежня 1944[1] |
| Месца нараджэння | |
| Дата смерці | 5 мая 2024[2] (79 гадоў) |
| Месца смерці |
|
| Грамадзянства | |
| Жонка | Marianna Hill[d][3] |
| Адукацыя | |
| Прафесія | акцёр, кінаакцёр, тэатральны акцёр, тэлеакцёр |
| IMDb | ID 0384060 |
 Медыяфайлы на Вікісховішчы | |
.svg){kind=small}
Біяграфія
Бернард Хіл нарадзіўся 17 снежня 1944 года ў Блэклі, Манчэстэр. Вучыўся ў Ксаверыянскім каледжы, пазней паступіў у Манчэстэрскую палітэхнічную школу драмы, якую скончыў з дыпломам у 1970 годзе[11].
Упершыню Хіл атрымаў вядомасць у Вялікабрытаніі пасля ролі Ёсера Х’юза ў тэлевізійным серыяле «Хлопцы з Блэкстафа»[11]. Фраза яго героя «Дайце нам працу»[11] стала папулярнай сярод пратэстуючых у барацьбе супраць урада Маргарэт Тэтчэр з-за высокага ўзроўню беспрацоўя[12].
У 1982 годзе ён сыграў сяржанта Путнема ў аскараносным фільме «Гандзі» рэжысёра Рычарда Атэнбора[13]. Затым Бернард Хіл з’явіўся ў фільме 1984 года «Баўнці», чацвёртай пастаноўцы аб бунце на аднайменным караблі[6]. У 1989 годзе Хіл атрымаў прызнанне крытыкаў за ролю Джо ў пастаноўцы «Шырлі Валентайн»[6]. Пазней, ён сыграў прыкметныя ролі ў фільмах «Горы на месяцы» (1990) і «Мадагаскарская скура» (1995).
У сярэдзіне 1990-х Хіл пачаў з’яўляцца ў кіно больш часта. Яго першай галоўнай роляй стаў фільм 1996 года «Прывід і Цемра», разам з Вэлам Кілмерам і Майклам Дугласам[14]. Але найбольш запатрабаваным акцёрам Хіл стаў пасля ролі капітана Эдварда Джона Сміта ў фільме «Тытанік», які на той момант стаў самым касавым фільмам у гісторыі[13].
У 2002 годзе Хіл сыграў Філаса ў фільме «Цар скарпіёнаў», разам з Дуэйнам Джонсанам, Майклам Кларкам Дунканам і Келі Ху. Пазней, ён зняўся ў ролі караля Тэадэна ў кінатрылогіі Пітэра Джэксана «Уладар пярсцёнкаў»[13][15].
Бернард Хіл памёр рана раніцай 5 мая 2024 года ва ўзросце 79 гадоў[16][17][18].
Выбраная фільмаграфія
- 1976 — «Я, Клаўдзій»
- 1982 — «Гандзі»
- 1984 — «Баўнці»
- 1990 — «Горы на месяцы»
- 1995 — «Мадагаскарская скура»
- 1996 — «Прывід і Цемра»
- 1997 — «Тытанік»
- 1999 — «Сапраўднае злачынства»
- 2002 — «Уладар пярсцёнкаў: Дзве вежы»
- 2002 — «Цар скарпіёнаў»
- 2003 — «Уладар пярсцёнкаў: Вяртанне караля»
Крыніцы
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
