Бастард (фільм, 2023)

«Бастард» (дацк.: Bastarden) — гістарычны мастацкі фільм 2023 года рэжысёра Мікалая Арселя^[en]. Галоўныя ролі выканалі Мадс Мікельсен, Аманда Колін і Сімон Бенеб’ерг^[sv]. Сумесная вытворчасць Даніі, Швецыі, Нарвегіі, Германіі^[8].

Бастард
дацк.: Bastarden
Жанр	гістарычны фільм
Рэжысёр	Nikolaj Arcel[d]
Прадзюсар	Louise Vesth[d][1]
Сцэнарыст	Nikolaj Arcel[d] Anders Thomas Jensen[d]
У галоўных ролях	Мадс Мікельсен Аманда Колін Gustav Lindh[d][1] Simon Bennebjerg[d][1] Kristine Kujath Thorp[d][2] Søren Malling[d][2] Magnus Krepper[d][2] Jakob Lohmann[d][2] Thomas W. Gabrielsson[d][2] Morten Hee Andersen[d][2] Morten Burian[d][2] Olaf Højgaard[d][2] Felix Kramer[d][2]
Аператар	Rasmus Videbæk[d]
Кампазітар	Dan Romer[d]
Кінакампанія	Zentropa[d][1]
Працягласць	122 хв.[3]
Краіна	Данія  Германія  Швецыя
Мова	дацкая мова[4]
Год	5 кастрычніка 2023[5], 31 жніўня 2023[6], 1 лютага 2024[7], 15 лютага 2024, 16 лютага 2024 і 6 мая 2024
IMDb	ID 20561198

Прэм’ера фільма адбылася 1 верасня 2023 года на 80-м Венецыянскім кінафестывалі.

Сюжэт

Падзеі фільма адбываюцца ў Даніі ў сярэдзіне XVIII стагоддзя. Кароль Фрэдэрык V вырашае асвоіць шырокія пусткі на паўвостраве Ютландыя, каб прынесці на гэтыя землі цывілізацыю і павялічыць падатковыя паступленні ў казну. Выканаўцам гэтай задумы становіцца шукальнік прыгод Людвіг фон Кален. Ён засноўвае калонію і пачынае вырошчваць новую для Даніі культуру — бульбу, але сутыкаецца з супрацівам найбуйнейшага землеўладальніка ў акрузе Фрэдэрыка Шынкеля. Апошні прымушае да замужжа сваю кузіну Эдэль, але тая абяцае выйсці за Калена пасля таго, як ён даб’ецца поспеху і атрымае ўзнагароду ад караля.

Прытулак у Калена знаходзяць Ан Барбара, прыгонная, што ўцякла ад Шынкеля, і цыганская дзяўчынка Анмаі Мус. Ан Барбара становіцца спачатку эканомкай Калена, а потым яго каханкай. У пустцы ўдаецца сабраць першы ўраджай бульбы, пасля чаго кароль дасылае немцаў-каланістаў. Аднак тыя прымушаюць Калена адправіць Анмаі Мус у работны дом, бо лічаць, што яна прынясе няшчасце. Шынкель нацкоўвае на калонію разбойнікаў, Кален забівае іх і афіцэра, які камандаваў імі. Кароль перадае пустку ва ўласнасць Шынкеля, апошні загадвае схапіць Калена і вылупцаваць пугай. Ан Барбара пранікае ў дом свайго былога гаспадара і забівае яго. Яе адпраўляюць на пажыццёвае зняволенне, Эдэль з’язджае да бацькі ў Нарвегію.

Кален забірае Анмаі Мус з работнага дому. Калі яна вырастае, яна сыходзіць ад яго з жаніхом. Тады Кален пакідае калонію і ладзіць уцёкі для Ан Барбары. У апошніх кадрах яны на конях набліжаюцца да берага мора.

Акцёрскі склад

• Мадс Мікельсен — Людвіг фон Кален
• Аманда Колін — Ан Барбара
• Сімон Бенеб’ерг^[sv] — Фрэдэрык Шынкель

Узнагароды

Паводле рэсурса «Internet Movie Database» фільм быў адзначаны 22 кінаўзнагародамі і яшчэ 16 намінацыямі^[9].

Крыніцы

1. Danish Film Database

   <a href='https://wikidata.org/wiki/Track:Q16323348'></a>
2. danskefilm.dk — 1999.

   <a href='https://wikidata.org/wiki/Track:Q5159753'></a>
3. https://www.bbfc.co.uk/release/the-promised-land-q29sbgvjdglvbjpwwc0xmde4mtaz
4. https://nordiskfilmogtvfond.com/news/stories/mads-mikkelsen-nikolaj-arcel-anders-thomas-jensen-on-zentropas-the-kings-land
5. Danish Film Database Праверана 4 кастрычніка 2023.

   <a href='https://wikidata.org/wiki/Track:Q16323348'></a>
6. Bastarden (The Promised Land) Праверана 4 кастрычніка 2023.
7. Terjesztésre kerülő filmalkotások és artfilmek nyilvántartása — NMHH. Праверана 22 снежня 2023.

   <a href='https://wikidata.org/wiki/Track:Q99587855'></a><a href='https://wikidata.org/wiki/Track:Q541497'></a>
8. Bastarden (2023) — IMDb (англ.). Сайт «Internet Movie Database». Праверана 13 кастрычніка 2024.
9. Bastarden (2023) — Awards (англ.). Сайт «Internet Movie Database». Праверана 13 кастрычніка 2024.

Спасылкі

• Бастард на сайце «Internet Movie Database» (англ.)