Антон Генадзевіч Новік

У Вікіпедыі ёсць артыкулы пра іншых людзей з прозвішчам Новік.

Антон Новік (нар. 23 ліпеня 1998, Ждановічы) — беларускі футбаліст, нападнік мінскага «Энергетыка».

Антон Новік
Поўнае імя	Антон Генадзевіч Новік
Нарадзіўся	23 ліпеня 1998(1998-07-23)[1] (26 гадоў) Ждановічы, Ждановіцкі сельсавет, Мінскі раён, Мінская вобласць, Беларусь[2]
Грамадзянства	Беларусь
Рост	177 см
Вага	72 кг[3]
Пазіцыя	паўабаронца, нападнік
Інфармацыя пра клуб
Клуб	Энергетык
Клубная кар’ера[* 1]
2016—2019 Мінск 4 (0) 2018 →  ЮАС (Жыткавічы) 23 (3) 2019 Нафтан (Наваполацк) 4 (0) 2020 Белшына (Бабруйск) 2 (0) 2020 Смаргонь 11 (0) 2021—2023 Вікторыя (Мар’іна Горка) 53 (27) 2024— Энергетык (Мінск)
Нацыянальная зборная[* 2]
2018 Беларусь (да 21) 2 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 7 жніўня 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 17 лістапада 2018

Клубная кар’ера

Выхаванец СДЮШАР футбольнага клуба «Мінск», з 2016 года пачаў выступаць за дубль клуба і неўзабаве замацаваўся ў складзе.

15 чэрвеня 2017 года дэбютаваў у Вышэйшай лізе ў гасцявым матчы супраць гродзенскага «Нёмана» (1:3), выйшаўшы на замену ў другім тайме. Да канца сезона 2017 згуляў яшчэ ў двух матчах за асноўную каманду, выходзячы на замену.

У сакавіку 2018 года быў арандаваны жыткавіцкім ЮАС^[4], у складзе якога неўзабаве замацаваўся ў якасці іграка асновы. У студзені 2019 года пакінуў ЮАС^[5].

У лютым 2019 года падоўжыў кантракт з «Мінскам»^[6]. Зноў стаў выступаць за дубль мінчан, толькі ў адным матчы Вышэйшай лігі выйшаў на замену. У жніўні 2019 года перабраўся ў наваполацкі «Нафтан», дзе згуляў толькі ў чатырох матчах.

У пачатку 2020 года праходзіў прагляд у бабруйскай «Белшыне» і ў сакавіку афіцыйна стаў іграком каманды. Гуляў пераважна за дубль, зрэдку прыцягваўся да асноўнай каманды, дзе выхадзіў на замену. У ліпені 2020 года пакінуў бабруйскі клуб^[7] і неўзабаве стаў іграком да «Смаргоні»^[8], дзе гуляў да канца сезона.

У 2021—2023 гадах выступаў у Другой лізе за мар’інагорскую «Вікторыю», а ў пачатку 2024 года далучыўся да мінскага «Энергетыка».

Міжнародная кар’ера

14 лістапада 2018 года дэбютаваў у моладзевай зборнай Беларусі, выйшаўшы на поле ў канцы таварыскага матча супраць Харватыі (1:3). 16 лістапада таго ж года ў наступным таварыскім матчы з харватамі выйшаў ужо ў стартавым складзе, але пазней у зборную больш не прыцягваўся.

Статыстыка выступленняў

Сезон	Дывізіён	Клуб	Краіна	Матчы	Галы
2016	дубль	Мінск		11	1
2017	Д1	Мінск		3	0
2018	Д2	ЮАС		23	3
2019 (1)	Д1	Мінск		1	0
2019 (2)	Д2	Нафтан		4	0
2020 (1)	Д1	Белшына		2	0
2020 (2)	Д2	Смаргонь		11	0
2021	Д3	Вікторыя		15	10
2022	Д3	Вікторыя		22	11
2023	Д3	Вікторыя		16	6

Грамадзянская пазіцыя

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[9].

Крыніцы

1. Anton Novik // Transfermarkt — 2000. Праверана 9 кастрычніка 2017.

   <a href='https://wikidata.org/wiki/Track:Q2449070'></a>
2. https://footballfacts.ru/person/545305
3. https://www.pressball.by/footballstat/anton_novik/
4. "Минск" отдал Новика в аренду в ЮАС (руск.). football.by (1 сакавіка 2018). Праверана 7 жніўня 2024.
5. Десять игроков покинули ЮАС, пятеро - пришли. Из них четверо - из "Лиды" (руск.). football.by (16 студзеня 2019). Праверана 7 жніўня 2024.
6. "Минск" продлил контракт с нападающим (руск.). football.by (14 лютага 2019). Праверана 7 жніўня 2024.
7. Футбол. "Белшину" покинули пятеро игроков (руск.)(недаступная спасылка). pressball.by (5 ліпеня 2020). Архівавана з першакрыніцы 11 ліпеня 2020. Праверана 10 ліпеня 2020.
8. Новик перешел из "Белшины" в "Сморгонь" (руск.). football.by (15 ліпеня 2020). Праверана 7 жніўня 2024.
9. 93 беларускія футбалісты выступілі з асуджэннем гвалту ВІДЭА  (бел.). Наша Ніва (12 верасня 2020). Праверана 6 лютага 2024.