Антоніу Кошта

Антоніу Луіс Сантас да Кошта (парт.: António Luís Santos da Costa; нар. 17 ліпеня 1961, Лісабон) — партугальскі юрыст і палітык.

Антоніу Кошта
парт.: António Luís Santos da Costa
119-ы прэм’ер-міністр Партугаліі 26 лістапада 2015 — 2 красавіка 2024
Папярэднік	Педру Пасуш Каэлью
Пераемнік	Луіш Мантэнегру
Нараджэнне	17 ліпеня 1961(1961-07-17)[1][2] (63 гады) Лісабон, акруга Лісабон, Партугалія
Імя пры нараджэнні	парт.: António Luís Santos da Costa
Маці	Maria Antónia Palla[d]
Партыя	Сацыялістычная партыя Партугаліі
Член у	XIII Constitutional Government of Portugal[d] (25 кастрычніка 1999) XIV Constitutional Government of Portugal[d] (6 красавіка 2002) XVII Constitutional Government of Portugal[d] (17 мая 2007) XXI Constitutional Government of Portugal[d] (26 кастрычніка 2019) XXII Constitutional Government of Portugal[d] (30 сакавіка 2022) XXIII Constitutional Government of Portugal[d] (2 красавіка 2024)
Адукацыя	Лісабонскі ўніверсітэт[3] Партугальскі каталіцкі ўніверсітэт[3]
Аўтограф
Узнагароды
Медыяфайлы на Вікісховішчы

Вучыўся на факультэце права Лісабонскага ўніверсітэта. З маладых гадоў удзельнічае ў дзейнасці Сацыялістычнай партыі. Працаваў у апараце будучага прэзідэнта Партугаліі Жоржу Сампаё. У 80-х узначальваў арганізацыю студэнтаў і яе друкаваны орган. Вёў адвакацкую практыку.

Уваходзіў у гарадскі савет Лісабона, а з 1991 года ён быў сябрам Асамблеі Рэспублікі. Працаваў у якасці парламенцкага дзяржсакратара, з 1995 па 1997 — міністра па парламенцкіх справах. Тады на працягу двух гадоў, ён быў таксама міністрам юстыцыі, і, нарэшце, з 1999 па 2002, дзяржаўным міністрам. Кіраваў парламенцкай фракцыяй Сацыялістычнай партыі.

У 2004 годзе атрымаў мандат дэпутата Еўрапейскага парламента. Ён быў членам групы сацыялістаў і віцэ-прэзідэнтам Еўрапарламента. У 2005 стаў міністрам унутраных справаў ва ўрадзе Жазэ Сакратэша.

Сышоў з урада ў 2007 годзе, пасля абрання на пасаду мэра Лісабона (пераабраны ў 2009). У 2014 годзе стаў лідарам партугальскіх сацыялістаў.

У выніку пагаднення паміж Сацыялістычнай партыяй і левымі партыямі — Камуністычнай партыяй Партугаліі, «Зялёнымі» і Левым блокам — парламент падтрымаў сацыялістычны ўрад на чале з Антоніа Кошта, які быў прызначаны прэм'ер-міністрам прэзідэнтам Каваку Сілва 24 лістапада 2015 года і стаў прэм'ер-міністрам 26 лістапада.

Зноскі

1. António Luís Santos da Costa // Brockhaus Enzyklopädie Праверана 9 кастрычніка 2017.

   <a href='https://wikidata.org/wiki/Track:Q237227'></a>
2. Antonio Santos da Costa // Munzinger Personen Праверана 9 кастрычніка 2017.

   <a href='https://wikidata.org/wiki/Track:Q107343683'></a>
3. https://web.archive.org/web/20190616154814/http://www.cm-lisboa.pt/fileadmin/MUNICIPIO/galeria/Presidente_antonio_costa.pdf

Спасылкі