Анатоль Сакалоў

Анатоль Сакалоў (1915—?) — беларускі вайсковы і грамадскі дзеяч. Афіцэр Беларускай краёвай абароны, сябра Беларускай незалежніцкай партыі.^[1]

Анатоль Сакалоў
Род дзейнасці	вайсковы і грамадскі дзеяч
Дата нараджэння	1915(1915)
Дата смерці	невядома
Маці	Алена Сакалова-Лекант
Альма-матар	Віленская беларуская гімназія юрыдычны факультэт Вільнюскага ўніверсітэта[d]
Партыя	Беларуская незалежніцкая партыя
Член у	Беларуская краёвая абарона

У Вікіпедыі ёсць артыкулы пра іншых людзей з прозвішчам Сакалоў.

Біяграфія

Нарадзіўся ў 1915 годзе. Сын Алёны Сакаловай-Лекант, настаўніцы ў Віленскай беларускай гімназіі, адной з пачынальнікаў беларускага школьніцтва ды ініцыятараў стварэння гімназіі.

Скончыў Віленскую беларускую гімназію, пасля — юрыдычны факультэт Віленскага ўніверсітэта. У 1938 годзе вывучаў юрыспрудэнцыю ў Варшаве.

У часы Другой сусветнай вайны падчас нямецкай акупацыі Беларусі ў 1941 г. прызначаны бурмістрам г. Беразіно. У 1942 годзе зняты з пасады бурмістра і далучаецца да беларускай нацыянальнай партызанкі Уладзіміра Шавеля на Барысаўшчыне, быў яе актыўным удзельнікам. Там разам з іншымі партызанамі пачаў выдаваць падпольны часопіс на рататары і прыступіў да вярбоўкі добраахвотнікаў. На дзейнасць беларускіх партызанаў хутка выйшлі савецкія партызаны і запрапанавалі сустрэчу, але на спатканні савецкія энкавэдзісты перастралялі беларускіх партызанскіх камандзіраў. У выніку ўратаваўся толькі адзін Анатоль Сакалоў, які дабраўся да Вільні. Афіцэр Беларускай краёвай абароны, сябра Беларускай незалежніцкай партыі. Пасля 1944 г. маці Анатоля Сакалова была рэпрэсаваная савецкай бяспекай, асуджана на 6 гадоў савецкіх канцлагераў.

Пасля Другой сусветнай вайны жыў у Германіі. Па некаторых звестках, эміграваў у Амерыку.

Далейшы лёс невядомы.

Зноскі

1. Сяргей Ёрш. Вяртаньне БНП. Асобы і дакумэнты Беларускай Незалежніцкай Партыі (нявызн.)(недаступная спасылка). Архівавана з першакрыніцы 25 ліпеня 2019.

Спасылкі

• Сяргей Ёрш. Беларускі нацыянальны рэзыстанс у гады Другой сусьветнай вайны. Партызанская акцыя Ўл. Шавеля(недаступная спасылка) Архівавана 5 студзеня 2020.