Анатоль Вікенцьевіч Сабалеўскі

У Вікіпедыі ёсць артыкулы пра іншых людзей з прозвішчам Сабалеўскі.

Анатоль Вікенцьевіч Сабале́ўскі (27 мая 1932, в. Андрыеўшчына, Дзяржынскі раён^[1] — 6 красавіка 2012^[2]) — беларускі тэатразнавец, літаратуразнавец, пісьменнік і педагог, доктар мастацтвазнаўства (1974), прафесар (1975).

Анатоль Вікенцьевіч Сабалеўскі
Асабістыя звесткі
Дата нараджэння	27 мая 1932(1932-05-27)
Месца нараджэння	Андрыеўшчына, Бараўскі нацыянальны польскі сельсавет, Койданаўскі нацыянальны польскі раён, БССР, СССР
Дата смерці	6 красавіка 2012(2012-04-06) (79 гадоў)
Грамадзянства	СССР  Беларусь
Альма-матар	філалагічны факультэт БДУ (1958)
Месца працы	Інстытут мастацтвазнаўства, этнаграфіі і фальклору імя Кандрата Крапівы НАН Беларусі Беларуская дзяржаўная акадэмія мастацтваў
Прафесійная дзейнасць
Род дзейнасці	педагог
Грамадская дзейнасць
Член у	БСТД Саюз пісьменнікаў БССР Беларускі саюз літаратурна-мастацкіх крытыкаў
Узнагароды	Прэмія імя К. Крапівы (2001)

Біяграфія

Скончыў БДУ (1958). З 1961 года навуковы супрацоўнік Інстытута мастацтвазнаўства, этнаграфіі і фальклору АН БССР, з 1972 года загадчык кафедры Беларускага театральна-мастацкага інстытута. У 1974 годзе абараніў доктарскую дысертацыю па мастацтвазнаўстве. У 1975 годзе прысвоена званне прафесара. У 1984—1989 гадах рэктар Беларускага театральна-мастацкага інстытута^[2]. У 1991—1998 гадах галоўны рэдактар часопіса «Тэатральная творчасць».

Член Беларускага саюза тэатральных дзеячаў з 1958 года, член Саюза беларускіх пісьменнікаў з 1964 года, член Беларускага саюза літаратурна-мастацкіх крытыкаў з 1997 года.

Навуковая дзейнасць

Друкуецца з 1952^[1]. Даследаваў творчыя сувязі беларускага тэатральнага мастацтва з тэатрамі іншых рэспублік СССР («Беларуская драматургія ў тэатрах народаў СССР», 1972), праблемы развіцця беларускай савецкай драматургіі («Беларуская савецкая драма», кн. 1—2, 1969—1972). Склаў 2-томную «Хрэстаматыю па гісторыі беларускага тэатра і драматургіі» (1975). Выступаў з тэатральна-крытычнымі артыкуламі і рэцэнзіямі (кнігі «Рампай асветленае», 1962; «Жыццё тэатра», 1980), напісаў манаграфію пра Б. Платонава («Уладар дум чалавечых», 1964). Беларускай тэатральнай Ленініяне прысвечаны яго працы «Увасабленне майстэрствам акцёра» (у зборніку «Вобраз У. І. Леніна ў беларускім мастацтве», 1970) і «Вобраз У. І. Леніна на беларускай сцэне» (1980). Аўтар аповесці «Жылі-былі хлопцы…» (1961), апавяданняў^[1].

Узнагароды

Лаўрэат прэміі імя К. Крапівы (2001), Міжнароднай прэміі UNITY «Адзінства» (1994),.

Творы

• Жылі-былі хлопцы… Аповесць. // Маладосць. Мінск. № 8. 1961.
• Выдающийся актер Белоруссии. Творчество народного артиста СССР Б. В. Платонова. Автореферат диссертации… кандидата искусствоведения. Москва — Минск. 1961.
• Рампай асветленае. тэатральна-крытычныя артыкулы. — Мінск. 1962.
• Уладар дум чалавечых. Творчасць народнага артыста СССР Б. Платонава. — Мінск. 1964.
• Ад п’есы — да спектакля. — Мінск. 1965.
• Театр открывает занавес. — Минск. 1970.
• Беларуская савецкая драматургія і яе сцэнічнае ўвасабленне. — Мінск. 1971.
• Белорусская драматургия в театрах народов СССР. — Минск. 1972.
• Жыццё тэатра. Мастацтвазнаўчыя артыкулы, рэцэнзіі. — Мінск. 1980.
• Образ В. И. Ленина на белорусской сцене. — Минск. 1980.
• Белорусско-молдавские театральные связи. — Минск. 1984.
• Сучаснасць і гісторыя. крытычныя артыкулы. — Мінск. 1985.
• Барыс Платонаў. Жыццё і творчасць вялікага беларускага артыста. 2-выд. — Мінск. 1989.
• Кандрат Крапіва. Нарыс жыцця і творчасці. — Мінск. 1989.
• Вечная крыніца. Беларуская тэатральная Ленініяна ў кантэксце часу. — Мінск. 1991.
• Асоба мастака. Літаратурна-крытычныя артыкулы. — Мінск. 1992
• Барыс Платонаў. Асоба і ролі. — Мінск. 2004.

Зноскі

1. Биографический справочник. Т. 5. — Мн: Издательство «Белорусская советская энциклопедия» имени Петруся Бровки, 1982. — С. 29.
2. Памёр тэатразнаўца Анатоль Сабалеўскі Архівавана 14 кастрычніка 2017.

Літаратура

• Баркоўскі А. Чаму Анатоль Сабалеўскі не заўважыў Анатоля Сыса? // Байрам. Татары на зямлі Беларусі. — Менск. № 4. 1994. — С. 48—50.
• Савік Л. С. Анатоль Сабалеўскі // Беларускія пісьменнікі. Біябібліяграфічны слоўнік у 6 тамах. — Т. 5. — Мінск, 1995. — С. 204—205.
• Смольская В. У. Анатоль Сабалеўскі. Бібліяграфія // Беларускія пісьменнікі. Біябібліяграфічны слоўнік у 6 тамах. — Т. 5. — Мінск, 1995. — С. 205—207.
• Сабалеўскі Анатоль Вікенцьевіч // Памяць. Гісторыка-дакументальная хроніка Дзяржынскага раёна. — Мінск, 2004. — С. 608.
• Галак У. А. Слова аб доктары мастацтвазнаўства А. В. Сабалеўскім. — Мінск, 2013. — С. 92.
• Сабале́ўскі Анатоль Вікенцьевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 638. — 800 с. — 5 000 экз. — ISBN 985-11-0026-9.