Амфізбены (Amphisbaenia), двухходкі — падатрад паўзуноў атрада лускаватых.
Хуткія факты Навуковая класіфікацыя, Міжнародная навуковая назва ...
Закрыць
Некалькі сямействаў. Каля 140 відаў. Раней іх адносілі да яшчарак.
Пашыраны пераважна ў Паўднёвай і Цэнтральнай Амерыцы, Афрыцы, Заходняй Азіі, 1 від у Паўднёвай Еўропе, 1 — на паўднёвым усходзе ЗША. Найбольш вядомая белая амфізбена (Amphisbaena alba), плямістая двухходка (Amphisbaena fuliginosa), хірот (Bipes canalicubatus).
Даўжыня да 70 см. Цела цыліндрычнае, чэрвепадобнае, з кароткім хвастом, укрытае суцэльнай рагавой плеўкай э вузкімі папярочнымі кольцамі. У большасці канечнасці адсутнічаюць.
Вядуць падземны спосаб жыцця, часта пасяляюцца ў мурашніках і тэрмітніках. Па хадах у зямлі могуць рухацца хвастом уперад (адсюль назва). Кормяцца мурашкамі, тэрмітамі, іх лічынкамі.
