Аляксандр Валер’евіч Паўлавец

У Вікіпедыі ёсць артыкулы пра іншых людзей з прозвішчам Паўлавец.

Аляксандр Паўлавец (нар. 13 жніўня 1996, Барысаў) — беларускі футбаліст, абаронца армянскага клуба «Арарат-Арменія» з Ерэвана і нацыянальнай зборнай Беларусі.

Аляксандр Паўлавец
Агульная інфармацыя
Поўнае імя	Аляксандр Валер’евіч Паўлавец
Нарадзіўся	13 жніўня 1996(1996-08-13)[1][2] (28 гадоў) Барысаў, Мінская вобласць, Беларусь
Грамадзянства	Беларусь
Рост	185 см
Вага	79 кг[3]
Пазіцыя	абаронца
Інфармацыя пра клуб
Клуб	Арарат-Арменія
Нумар	25
Клубная кар’ера[* 1]
2013—2015 БАТЭ (Барысаў) 0 (0) 2015 →  Тарпеда-БелАЗ (Жодзіна) 8 (0) 2016—2018 Тарпеда-БелАЗ (Жодзіна) 63 (3) 2016 →  Нёман (Гродна) 15 (0) 2019—2020 Дынама (Брэст) 43 (1) 2020—2022 Растоў 5 (0) 2021—2022 →  Колас (Каваліўка) 11 (0) 2022 →  Варта (Познань) 4 (0) 2022—2024 Арэнбург 7 (0) 2023—2024 →  Ламія 9 (0) 2024 →  Карміятыса (Лімасол) 15 (0) 2024— Арарат-Арменія (Ерэван)
Нацыянальная зборная[* 2]
2012—2013 Беларусь (да 17) 5 (1) 2014 Беларусь (да 19) 3 (0) 2015—2018 Беларусь (да 21) 20 (0) 2017 Беларусь B 1 (0) 2017— Беларусь 10 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 29 ліпеня 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 22 лістапада 2023
Медыяфайлы на Вікісховішчы

Клубная кар’ера

Выхаванец барысаўскай ДЮСШ-2, з 2013 года пачаў выступаць за дубль мясцовага БАТЭ. Увосень 2014 года ў складзе моладзевай каманды БАТЭ выступаў у Юніёрскай лізе УЕФА (правёў 5 матчаў). Часам таксама прыцягваўся да асноўнай каманды, але так і не дэбютаваў за яе.

У сакавіку 2015 года быў аддадзены ў арэнду клубу «Тарпеда-БелАЗ»^[4]. Спачатку выступаў за дубль жодзінцаў, але ў верасні 2015 года здолеў замацавацца ў асноўным складзе на пазіцыі цэнтральнага абаронцы. Па заканчэнні сезона, у снежні 2015 года, «Тарпеда-БелАЗ» скарысталася магчымасцю першачарговага выкупу футбаліста, у выніку Аляксандр стаў іграком аўтазаводцаў на трывалай аснове^[5].

У жніўні 2016 года быў арандаваны гродзенскім «Нёманам»^[6]. У складзе гродзенцаў стаў асноўным цэнтральным абаронцам. Па заканчэнні сезона 2016 вярнуўся ў Жодзіна^[7]. У сезоне 2017 замацаваўся ў аснове «Тарпеда-БелАЗ». У лістападзе 2017 года падпісаў з «аўтазаводцамі» новы двухгадовы кантракт^[8].

У жніўні 2018 года падпісаў новы доўгатэрміновы кантракт з жодзінцамі^[9]. У студзені 2019 года дамовіўся аб датэрміновым скасаванні кантракта з клубам, выплаціўшы абумоўленую кампенсацыю^[10] і неўзабаве стаў іграком брэсцкага «Дынама»^[11]. Пачынаў сезон 2019 на лаўцы запасных, аднак з чэрвеня заваяваў месца ў стартавым складзе і дапамог камандзе стаць чэмпіёнам Беларусі. У снежні 2019 года падоўжыў кантракт з дынамаўцамі да студзеня 2021 года^[12].

Летам 2020 года цікавасць да абаронцы сталі праяўляць розныя замежныя клубы. У верасні 2020 года падпісаў пагадненне з «Растовам», якое пачынала дзейнічаць зімой^[13], аднак у кастрычніку 2020 года расійскі клуб паведаміў, што абаронца далучыцца да складу ўжо да закрыцця восеньскага трансфернага акна^[14]. У складзе «Растова» часцей заставаўся на лаўцы запасных.

У ліпені 2021 года быў аддадзены ў арэнду ўкраінскаму «Коласу» з Каваліўкі^[15], дзе гуляў пераважна ў стартавым складзе. У красавіку 2022 года перабраўся ў польскую «Варту»^[16]. У маі 2022 года стала вядома, што абаронца пакіне пазнаньскі клуб^[17].

У чэрвені 2022 года падпісаў кантракт з «Арэнбургам»^[18]. У студзені 2023 года на правах арэнды перабраўся ў грэчаскую «Ламію»^[19]. У чэрвені 2023 года стала вядома, што арэнда падоўжана на сезон 2023/24^[20]. У студзені 2024 года быў арандаваны кіпрскай «Карміятысай»^[21].

У ліпені 2024 года перайшоў у клуб «Арарат-Арменія»^[22].

Міжнародная кар’ера

Выступаў за юнацкія зборныя Беларусі да 17 і 19 гадоў у кваліфікацыйных раундах чэмпіянату Еўропы.

9 кастрычніка 2015 года дэбютаваў у складзе моладзевай зборнай Беларусі, адгуляўшы ўсе 90 хвілін у адборачным матчы чэмпіянату Еўропы супраць Турцыі (0:2).

1 чэрвеня 2017 года дэбютаваў за нацыянальную зборную Беларусі, выйшаўшы на замену ў другім тайме таварыскага матча супраць Швейцарыі (0:1). У ліпені 2017 года выступаў за другую зборную Беларусі на Кубку Караля ў Тайландзе.

Дасягненні

• Чэмпіён Беларусі: 2019
• Уладальнік Кубка Беларусі: 2016
• Уладальнік Суперкубка Беларусі (2): 2019, 2020
• У спісе 22 найлепшых футбалістаў чэмпіянату Беларусі (2): 2018, 2019

Статыстыка выступленняў

Сезон	Дывізіён	Клуб	Матчы	Галы
2013	дубль	БАТЭ	26	0
2014	дубль	БАТЭ	27	0
2015	Д1	Тарпеда-БелАЗ	8	0
2016 (1)	Д1	Тарпеда-БелАЗ	8	0
2016 (2)	Д1	Нёман	15	0
2017	Д1	Тарпеда-БелАЗ	26	1
2018	Д1	Тарпеда-БелАЗ	29	2
2019	Д1	Дынама	23	0
2020 (1)	Д1	Дынама	20	1
2020/21	Д1	Растоў	5	0
2021/22 (1)	Д1	Колас	11	0
2021/22 (2)	Д1	Варта	4	0
2022/23 (1)	Д1	Арэнбург	7	0
2022/23 (2)	Д1	Ламія	3	0
2023/24 (1)	Д1	Ламія	6	0
2023/24 (2)	Д1	Карміятыса	15	0

Крыніцы

1. Aleksandr Pavlovets // Transfermarkt — 2000. Праверана 9 кастрычніка 2017.

   <a href='https://wikidata.org/wiki/Track:Q2449070'></a>
2. Aleksandr Pavlovets // FBref.com

   <a href='https://wikidata.org/wiki/Track:Q56239490'></a>
3. https://teams.by/pavlovets-alexandr-valerievich/player-5023/
4. БАТЭ отдал Александра Павловца в аренду "Торпедо-БелАЗ" (руск.). football.by (27 сакавіка 2015). Праверана 17 кастрычніка 2023.
5. "Торпедо-БелАЗ" выкупил у БАТЭ права на Павловца (руск.). football.by (21 снежня 2015). Праверана 17 кастрычніка 2023.
6. "Неман" арендовал у "Торпедо-БелАЗ" Александра Павловца (руск.). football.by (29 ліпеня 2016). Праверана 17 кастрычніка 2023.
7. У 19 игроков "Немана" истекли контракты (руск.). football.by (1 снежня 2016). Праверана 17 кастрычніка 2023.
8. Павловец и Щербо продолжат выступать за жодинское "Торпедо-БелАЗ" (руск.). football.by (30 лістапада 2017). Праверана 17 кастрычніка 2023.
9. Павловец и Аффи продлили контракты с "Торпедо-БелАЗ" (руск.). football.by (8 жніўня 2018). Праверана 17 кастрычніка 2023.
10. "Торпедо-БелАЗ" и Павловец договорились о досрочном расторжении контракта (руск.). football.by (10 студзеня 2019). Праверана 17 кастрычніка 2023.
11. Александр Павловец подписал контракт с брестским "Динамо" (руск.). football.by (11 студзеня 2019). Праверана 17 кастрычніка 2023.
12. Павловец и Павлюченко на год продлили контракты с брестским "Динамо" (руск.). football.by (29 снежня 2019). Праверана 17 кастрычніка 2023.
13. "Ростов" подтвердил подписание контракта с Александром Павловцом (руск.). football.by (2 верасня 2020). Праверана 17 кастрычніка 2023.
14. Павловец присоединится к "Ростову" до 17 октября (руск.). football.by (14 кастрычніка 2020). Праверана 17 кастрычніка 2023.
15. "Колос" объявил о подписании Павловца (руск.). football.by (7 ліпеня 2021). Праверана 17 кастрычніка 2023.
16. Александр Павловец - игрок познаньской "Варты" (руск.). football.by (22 красавіка 2022). Праверана 17 кастрычніка 2023.
17. Александр Павловец покинул "Варту" (руск.). football.by (30 мая 2022). Праверана 17 кастрычніка 2023.
18. Павловец подписал контракт с "Оренбургом" (руск.). football.by (16 чэрвеня 2022). Праверана 17 кастрычніка 2023.
19. Павловец стал игроком греческой "Ламии" (руск.). football.by (18 студзеня 2023). Праверана 18 студзеня 2023.
20. Александр Павловец будет и дальше выступать за "Ламию" (руск.). football.by (27 чэрвеня 2023). Праверана 19 ліпеня 2023.
21. Защитник сборной Беларуси перешел в бывший клуб Хацкевича (руск.). football.by (21 студзеня 2024). Праверана 22 студзеня 2024.
22. Александр Павловец перешел в "Арарат-Армению" (руск.). football.by (18 ліпеня 2024). Праверана 29 ліпеня 2024.

Спасылкі

• Профіль на афіцыйным сайце «Нёмана» (руск.)