Адыс-Абебскі ўніверсітэт

Адыс-Абебскі ўніверсітэт (амх.: አዲስ አበባ ዩኒቨርሲቲ) — дзяржаўная вышэйшая навучальная ўстанова ў Эфіопіі.

Адыс-Абебскі ўніверсітэт
አዲስ አበባ ዩኒቨርሲቲ
Арыгінальная назва	አዲስ አበባ ዩኒቨርሲቲ
Міжнародная назва	Addis Ababa University
Заснаваны	1950
Год закрыцця	часова ў 1975 годзе
Тып	дзяржаўны
Кіраўнік	Адмасу Цэгае
Студэнты	42,497 (2009/2010)
Краіна	Эфіопія[1]
Размяшчэнне	Адыс-Абеба, Эфіопія
Кампус	Адыс-Абеба (12) Дэбрэ-Зэйт(1)
Сайт	aau.edu.et
Медыяфайлы на Вікісховішчы

Гісторыя

Заснаваны ў 1950 годзе па рашэнні імператара Хайле Селасіе I пры садзейнічанні канадскага езуіта Люсьена Матэ як двухгадовы Адыс-Абебскі ўніверсітэцкі каледж. На працягу наступных двух гадоў каледж быў цесна звязаны з Лонданскім універсітэтам. Пісьменнік Рычард Камінгс у пачатку 1960-х гадоў працаваў на факультэце права. У 1962 годзе перайменаваны ва Універсітэт імя Хайле Селасіе I.

Пасля сваёй перамогі Часовы ваенна-адміністрацыйны савет часова зачыніў універсітэт 4 сакавіка 1975 года і адправіў 50 тысяч студэнтаў у сельскую мясцовасць для падтрымкі новага рэжыму. З гэтага часу ўніверсітэт носіць цяперашнюю назву.

У 1979 годзе ва ўніверсітэце былі адкрыты першыя наборы ў магістратуру. У 1987 годзе былі адкрыты праграмы падрыхтоўкі PhD.

У снежні 2002 года тры вядучыя кіраўнікі ўніверсітэта падалі ў адстаўку ў знак нязгоды з узмацненнем ўрадавага ўмяшання ва ўнутраныя справы ўніверсітэта. Чыноўнікі спрабавалі прымусіць універсітэт змяніць сістэму ацэнкі ведаў студэнтаў.

У 2009/2010 навучальным годзе ва ўніверсітэце было 20,701 абітурыент, 7 127 выпускнікоў і 14 669 паслядыпломных студэнтаў, што ў цэлым складала 42 497 чалавек.

Літаратура

• Teshome G. Wagaw. The Development of Higher Education and Social Change, an Ethiopian Experience. East Lansing, Michigan. Michigan State University Press. 1990.

Спасылкі

• На Вікісховішчы ёсць медыяфайлы па тэме Адыс-Абебскі ўніверсітэт
• Афіцыйны сайт Адыс-Абебскага ўніверсітэта
• Афіцыйная старонка Інстытута эфіопскіх даследаванняў і Этналагічнага музея

1. https://www.4icu.org/reviews/7247.htm