Авіяўдар па Цэнтру міграцыі ў Таджуры (2019)

Авіяўдар па Цэнтру міграцыі ў Таджуры быў нанесены паветранымі сіламі Лівійскай нацыянальнай арміі пад камандаваннем Х. Хафтара 3 ліпеня 2019 г. Цэнтр выкарыстоўваўся ў якасці прытулку для мігрантаў і бежанцаў, якія спрабуюць дабрацца да Еўропы. Па інфармацыі Савета па правах чалавека ААН, у памяшканні якое было разбурана ракетным ударам «пражывала каля 600 чал.»^[1]. Па меншай меры, 53 чалавекі загінулі і 130 атрымалі раненні^[2].

Авіяўдар

У красавіку 2019 г. Лівійская нацыянальная армія пад камандаваннем Х. Хафтара пачала наступленне з мэтай захапіць Заходнюю Лівію і Трыпалі, якія знаходзяцца пад кантролем Урада нацыянальнай згоды (прызнаны ААН). Пасля таго, як у маі ў выніку авіўдару па цэлі, якая знаходзілася менш чым 100 м ад Цэнтра міграцыі, Упраўленне Вярхоўнага камісара Арганізацыі Аб’яднаных Нацый па справах бежанцаў заклікала эвакуіраваць бежанцаў і мігрантаў, якія знаходзяцца ў зонах канфлікту^[3][4].

Авіяўдар быў нанесены па ваенным лагеры сіл УНЗ, сіламі ВПС ЛНА, вечарам 3 ліпеня. Адна з ракет, узарвалася ў ангары, у якім пражывала каля 120 чал. Паводле дадзеных ААН, у авіяўдары загінула як мінімум 53 чал., а больш за 130 атрымалі раненні. У момант, калі мігранты пакідалі цэнтр, Лівійская гвардыя адкрыла па ім агонь^[5].

Рэакцыя

• ЛНА: Паводле заявы інфармацыйнага цэнтра Заходняга аператыўнага штаба ЛНА, «армія не наносіла ўдары па цэнтры ўтрымання нелегальных імігрантаў». У штабе адзначылі, што ВПС ЛНА кропкавымі ўдарамі вечарам 3 ліпеня бамбілі ваенны лагер лаяльнай Ураду нацыянальнага адзінства і іх склады са зброяй, якія знаходзяцца ў тым жа раёне. Пасля паспяховага авіяналёту, паведамляюць у ЛНА, баевікі, каб «ўвесці ў зман грамадскую думку і ўскласці віну на войска, абстралялі з мінамётных установак цэнтр утрымання нелегальных мігрантаў»^[6].

Міжнародная рэакцыя

•  ААН: Вярхоўны камісар ААН па правах чалавека Мішэль Бачэлет і кіраўнік місіі ААН у Лівіі Гасан Саламі публічна заявілі, што гэты нападзенне можа прадстаўляць сабой ваеннае злачынства. Генсакратар ААН Антоніу Гутэрыш ініцыяваў правесці незалежнае расследаванне.

Зноскі

1. Rami Musa,. Airstrike kills 44 migrants in Libyan detention center (англ.). Associated Press (4 ліпеня 2019). Праверана 6 ліпеня 2019.
2. Libyan migrants 'fired upon after fleeing air strikes' (англ.). BBC (4 ліпеня 2019). Праверана 6 ліпеня 2019.
3. Declan Walsh. Airstrike Kills Dozens of Migrants at Detention Center in Libya (англ.). The New York Times (3 ліпеня 2019). Праверана 6 ліпеня 2019.
4. Move refugees in Tripoli out of harm’s way, urges UNHCR (англ.). Упраўленне Вярхоўнага камісара Арганізацыі Аб’яднаных Нацый па справах бежанцаў (8 мая 2019). Праверана 6 ліпеня 2019.
5. Libyan guards shot at fleeing migrants, UN says, as Security Council fails to condemn attack (англ.). France24 (4 чэрвеня 2019). Праверана 6 ліпеня 2019.
6. Армия Хафтара отрицает, что бомбила центр содержания беженцев под Триполи (руск.). РИА Новости (3 чэрвеня 2019). Праверана 6 ліпеня 2019.