Іскыр

Іскыр (балг.: Искър) — рака ў Балгарыі, правы прыток Дуная.

Даўжыня 368 кіламетраў. Плошча басейна 8,6 тыс. км². Вытокі ў гарах Рыла, працякае па Самакаўскай і Сафійскай катлавінах, перасякае храбты Стара-Планіна ў Іскырскай цясніне, нізоўі — па Ніжнедунайскай раўніне. Веснавое разводдзе, летняя межань. Сярэднегадавы расход вады ў вусці 54 м³/с. Выкарыстоўваецца для арашэння. У басейне Іскыра — гарады Самакаў, Мездра, Чарвен-Браг, працякае па ўсходняй ускраіне горада Сафія.

Літаратура

• Беларуская энцыклапедыя: У 18 т. Т.7: Застаўка — Кантата / Рэдкал.: Г. П. Пашкоў і інш. — Мн.: Белэн, 1998. — 608 с.: іл. ISBN 985-11-0279-2