From Wikipedia, the free encyclopedia
Škoda Octavia (бел.: Шкода Актавія) — легкавы аўтамабіль чэшскага аўтавытворцы Škoda Auto. Выпускаецца з кузавамі ліфтбэк і ўніверсал. Мадэль адносяць да катэгорыі кампактных (C-клас), таму што традыцыйна яна будуецца на агульнай платформе з Volkswagen Golf, Audi A3 і Seat León. Аднак «Актавія» у параўнанні з імі большы аўтамабіль, знешнія памеры набліжаюць яе да сярэдняга класа.
У сучасным мадэльным шэрагу маркі з 1996 года. У 1959—1971 гады ўжо існавала машына з такой назвай).
«Актавія» першага пакалення выйшла ў лістападзе 1996 года. Выпуск пачаўся на мадэрнізаваным заводзе ў Млада Болеславе. Octavia стала першай абсалютна новай мадэллю, створанай пасля пераходу маркі пад кантроль канцэрна Volkswagen AG. У яе аснове ляжыць платформа PQ34 агульная з VW Golf і Audi A3.
Праз два гады пасля прэм’еры ліфтбэка з’явіўся ўніверсал. Škoda Octavia Combi была прадстаўлена 3 сакавіка 1998 года на Жэнеўскім аўтасалоне. Колавая база ўніверсала супадала з ліфтбэкам, але Octavia Combi была на 6 мм даўжэй і на 26 мм вышэй. Вага павялічвалася ад 15 да 30 кілаграмаў у залежнасці ад версіі. Аб’ём багажніка павялічыўся да 548 літраў, а са складзенымі заднімі сядзеннямі карысны аб’ём павялічваўся да 1512 літраў.
У 2000 годзе адбылася касметычнае абнаўленне знешняга выгляду. Пераробленая «Актавія» таксама атрымала опцыю поўнага прываду як для ліфтбэкаў, так і для ўніверсалаў, і займела счапленне фірмы Haldex Traction, як у іншых аўтамабіляў, пабудаваных на платформе Golf IV. У параўнанні з пярэднепрываднай версіяй таксама павялічыўся дарожны прасвет і аб’ём паліўнага баку. Актавія 4×4 была даступная толькі з бензінавымі рухавікамі 1.8 T 150 к. с. або 2.0 L, дызельным 1.9 TDI 90 к. с. (усе з 5-ступеньчатай механічнай КПП), і з дызельным 1.9 TDI-PD (Помпа-фарсунка) 100 к. с. (з 6-ступеньчатай механічнай КПП).
| Вынікі тэсту Euro NCAP, 2001[1] | ||
|---|---|---|
 Бяспека пасажыраў |
 |
25 |
 Бяспека пешаходаў |
  |
14 |
| Пратэставаны аўтамабіль: Škoda Octavia 1.9 TDi Ambiente | ||
Найхутчэйшым варыянтам быў спартыўны ліфтбэк Škoda Octavia RS (што значыць Rally Sport) прадстаўлены ў 2000 годзе. Пад капотам ён меў чатырохцыліндравы матор 1.8 20V Turbo з наддзіманнем, які спалучаўся з пяціступеньчатай механічнай каробкай перадач. Рухавік магутнасцю 132 кВт (180 к.с.) разганяў машыну з 0 да 100 км/г за 7,9 секунды, а максімальная хуткасць дасягала 235 км/г. Удасканаленні шасі і кузава адпавядалі высокім характарыстыкам матора, аднак вонкава спартыўная версія не так моцна адрознівалася ад звычайнай Octavia.
У жніўні 2002 года аўтавытворца пашырыў мадэльны шэраг універсалам RS.
У 2002 годзе Škoda выпусціла абмежаваную версію са 100 гоначных аўтамабіляў, якія адрозніваюцца ад звычайных RS белым колерам кузава, ралійнымі налепкамі і дадатковым абсталяваннем (электронны кантроль устойлівасці, ксенонавыя фары, абагрэў пярэдніх крэслаў). Яны ўдзельнічалі ў еўрапейскіх гонках, сусветных раллі і ралійным Кубку свету ў класе 2-літровых аўтамабіляў.
Вытворчасць першага пакалення Octavia RS была завершана ў студзені 2006 года.
У 2004 годзе дэбютавала другое пакаленне, але выпуск першага пакалення працягваўся. Дзеля адрознення ад навінкі, першая «Актавія» стала называцца «Octavia Tour». Каб пазбегнуць унутранай канкурэнцыі з Octavia II, Škoda абмежавала версіі рухавікоў для Octavia Tour. З бензінавых матораў пакінулі атмасферныя 1.4 MPI (75 к. с.) і 1.6 MPI (102 к. с.) і турбіраваны 1.8 T (150 к. с.), а з дызеляў толькі два варыянты 1.9 TDI (90 і 100 к. с.). Камплектацыі машын таксама былі абмежаваныя. Іншых тэхнічных адрозненняў паміж «Tour» і ранейшымі версіямі не было[2].
Вытворчасць была скончана ў лістападзе 2010 года. Усяго было выпушчана 1 442 126 машын першага пакалення: 970 000 ліфтбэкаў і больш за 470 000 універсалаў[3].
«Octavia» другога пакалення была прадстаўленая ў сакавіку 2004 года, сабраная на платформе Volkswagen Group A5 (PQ35), як і наступныя аўтамабілі Volkswagen Group: Audi A3 другога пакалення, Volkswagen Golf V, Volkswagen Jetta V, SEAT León II, і інш.
Акрамя новых варыянтаў рухавікоў унутранага згарання, аўтамабіль займеў знешнія змены: больш прасторы для ног задніх пасажыраў (слабое месца першай мадэлі) і павялічаны дарожны прасвет.
Акрамя чэшскіх заводаў у Млада Болеславе і Врхлабі, з 2008 «Актавію» таксама збіралі ў славацкай Браціславе і кітайскім Шанхаі. У Індыі мадэль звалася «Laura» дзеля адрознення ад першага пакалення.
Octavia Combi прапаноўвала багажнае аддзяленне базавым аб’ёмам 580 літраў, а пры складванні задніх сядзенняў — 1620 літраў. Праз год пасля запуску другога пакалення была прадстаўлена і спартыўная Octavia RS у абодвух варыянтах кузава, а таксама мадэль з поўным прывадам.
Пад капотам версіі RS быў усталяваны турбіраваны бензінавы чатырохцыліндравы рухавік 2.0 TFSI магутнасцю 147 кВт (200 к. с.), які агрэгатаваўся шасціступеньчатай механічнай каробкай перадач. З гэтым рухавіком ліфтбек мог разганяцца ад 0 да 100 км/г за 7,3 секунды, а яго максімальная хуткасць дасягала 240 км/г. Больш практычны ўніверсал быў крыху павольней, але ён быў здольны разагнацца з месца да 100 км/г за 7,5 секунды, а максімальная хуткасць была меншай усяго на 2 км/г. У 2006 годзе Octavia RS упершыню выйшла на рынак з дызельным рухавіком, якім стаў двухлітровы TDI-PD магутнасцю 125 кВт. Ён мог разагнаць ліфтбек з 0 да 100 км/г за 8,5 секунды, а максімальная хуткасць дасягнула 225 км/г. У 2008 годзе дызельны RS атрымаў больш сучасны рухавік 2.0 TDI з упырскам Common-Rail, але тэхнічныя параметры не змяніліся.
Існуюць дзве поўнапрывадныя версіі: 4×4 і «Scout», абедзве з сістэмай Haldex Traction на камп’ютарызаваным счапленні. «Scout», прадстаўлены ў 2006 годзе, выпускаўся толькі ў кузаве ўніверсал, і атрымаў некалькі адрозненняў у красоверным стылі.
У 2009 годзе выйшла абноўленая версія. Вонкава змяніліся фары і бамперы. У лінейку рухавікоў дадаліся 1.4 TSI і 1.8 TSI, а таксама з’явілася 7-ступеньчатая Direct-Shift Gearbox трансмісія.
Было выпушчана каля 900 000 адзінак універсалаў Octavia Combi другога пакалення.
| Вынікі тэсту Euro NCAP, 2004[4] | ||
|---|---|---|
| Бяспека дарослых пасажыраў |
|
27 |
 Бяспека пасажыраў-дзяцей |
|
37 |
| Бяспека пешаходаў |
|
17 |
| Пратэставаны аўтамабіль: Škoda Octavia 1.6 Ambiente | ||
_–_Frontansicht,_14._April_2013,_Düsseldorf.jpg)
_–_Heckansicht,_14._April_2013,_Düsseldorf.jpg)
11 снежня 2012 года ў музеі «Шкоды» ў Младай Болеславе было прадстаўленае трэцяе пакаленне «Актавіі». Праз шэсць дзён пачалася серыйная вытворчасць. У аснову аўтамабіля лягла платформа MQB A.
Новая мадэль на 9 см даўжэйшая і на 4,5 шырэйшая за папярэдніцу, колавая база таксама павялічылася на 8 см. Маса зменшылася на 102 кг. Павялічылася ўнутраная прастора для ног і галавы. Аб’ём багажнага аддзелу дасягнуў 590 л, што на 5 л больш за папярэднюю мадэль і на 25 л — за значна большы Volkswagen Passat. Версія з кузавам універсал мае яшчэ большы памер багажніку — 610 л (1740 літраў са складзенымі спінкамі сядзенняў).
«Актавія» 3-га пакалення першай з аўтамабіляў маркі займела пярэдні радар і шматфункцыянальную камеру. Радарны сэнсар у пярэднім бамперы маніторыць зону перад аўтамабілем і пралічвае адлегласць, кірунак і хуткасць усіх аб’ектаў паблізу. Звесткі з радару паступаюць у сістэму папярэджвання пра сутыкненне і ў адаптыўны круіз-кантроль. Шматфункцыянальная камера на лабавым шкле патрэбная для функцыянавання сістэмы прытрымлівання паласы, аўтаматычнага кіравання дальнім святлом і распазнавання дарожных знакаў бартавога камп’ютара і навігацыі.
Для пярэднепрывадных мадыфікацый даступныя рухавікі магутнасцю 86—179 к. с. (бензін) і 90—150 к. с. (дызель). Існуюць дзве экалагічныя варыяцыі «Актавіі»: «GreenLine» з 1.6-літровым дызелем і выкідам 85 г CO2 на км; «G-TEC» з 1.4-літровым TSI на звадкаваным газе і выкідам 97 г CO2 на км. Поўнапрывадны «Octavia Combi» мае адзін бензінавы (1.8 TSI/132 кВт) і тры дызельныя варыянты рухавікоў (77—135 кВт).
У 2013 годзе была прадстаўленая «Octavia RS». Яна мае рухавік 220 к. с. 2.0 TSI ад Golf 7 GTI і 184-сільны 2.0 TDI з Golf 7 GTD. Бензінавая версія «Octavia RS» з механічнай трансмісіяй развівае хуткасць 248 км/г. У адрозненне ад стандартнай версіі, RS мае прагрэсіўнае рулявое кіраванне, спартыўнае шасі, электронны замок дыферэнцыяла і так званы «гукавы генератар дзейнасці», які імітуе спартыўны гук рухавіку.
У 2014 годзе была прадстаўленая «Octavia Scout» з падвышанай падвескай, пластыкавай абшыўкай і поўным прывадам.
У 2017 годзе ў Вене быў прадстаўлены рэстайлінг, які прынёс супярэчлівыя падзеленыя фары.
Было выпушчана 1 195 500 адзінак універсалаў Octavia Combi трэцяга пакалення.
| Вынікі тэсту Euro NCAP, 2013[5] |  | |
|---|---|---|
| Балы | % | |
| Бяспека дарослых пасажыраў |
33,6 | 93% |
| Бяспека пасажыраў-дзяцей |
42,4 | 86% |
| Бяспека пешаходаў |
24,1 | 66% |
 Актыўная бяспека |
6,0 | 66% |
| Пратэставаны аўтамабіль: Škoda Octavia 1.6 Ambition | ||
.jpg)
.jpg)
У лістападзе 2019 года ў Празе дэбютавала Octavia чацвёртага пакалення. Аўтамабіль пабудаваны на той жа платформе MQB, што і папярэдняя мадэль. Колавая база не змянілася — 2686 мм, даўжыня павялічылася да 4689 мм, а шырыня — да 1829 мм. Запас прасторы для каленяў задніх пасажыраў павялічаны да 78 мм. Аб’ём багажніка ў ліфтбэка вырас на 10 л да 600 л, а ў універсала на 30 (да 640 л, 1700 л са складзенымі спінкамі задніх сядзенняў).
На выбар прапанаваныя бензінавыя турбарухавікі аб’ёмам 1,0 л (110 к. с.), 1,5 л (150 к. с.) і 2,0 л (190 к. с.), а таксама турбадызелі 2,0 л магутнасцю 116, 150 і 200 к. с. Ёсць і рухавік 1.5 TSI на метане (130 к. с.), які спалучаецца з робатам на сем перадач або шасціступеньчатай МКПП на выбар. У гаме з’явіўся plug-in-гібрыд Octavia iV з маторам 1.4 TSI і электрарухавіком. Такая Octavia распрацавана адразу ў дзвюх версіях на 204 і 245 к. с. Гэтыя гібрыды камплектуюцца шасціступеньчатай робатам DSG.
| Вынікі тэсту Euro NCAP, 2019[6] | | |
|---|---|---|
| Балы | % | |
| Бяспека дарослых пасажыраў |
35,3 | 92% |
| Бяспека пасажыраў-дзяцей |
43,2 | 88% |
| Бяспека пешаходаў |
35,5 | 73% |
| Актыўная бяспека |
10,3 | 79% |
| Пратэставаны аўтамабіль: Škoda Octavia Combi 1.5 TSI Ambition | ||
| Вынікі тэсту Euro NCAP, 2022[7] | | |
|---|---|---|
| Балы | % | |
| Бяспека дарослых пасажыраў |
33,8 | 89% |
| Бяспека пасажыраў-дзяцей |
41,2 | 84% |
| Бяспека пешаходаў |
37,1 | 68% |
| Актыўная бяспека |
13,1 | 81% |
| Пратэставаны аўтамабіль: Skoda Octavia 1.5 TSI | ||
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
