Shoot-Out (снукер)
From Wikipedia, the free encyclopedia
Shoot-Out — прафесійны рэйтынгавы снукерны турнір, які праходзіць у адрозным ад класічных снукерных правілаў фармаце. Упершыню турнір быў праведзены ў 1990 годзе, а ў 2011 быў вернуты ў каляндар мэйн-тура, стаўшы рэйтынгавым спаборніцтвам у 2017 годзе. Дзеючы чэмпіён — Майкл Джорджыу, які выйграў турнір у 2018 годзе.
Shoot-Out | |
Год заснавання: | 1990 |
---|---|
Арэна: | «Trentham Gardens» (1990) «Блэкпульская вежа» (2011–2015) «Тэатр Гексагон» (2016) «Калізей Уотфарда» (2017–...) |
Горад: | Сток-он-Трэнт (1990) Блэкпул (2011–2015) Рэдынг (2016) Уотфард (2017–...) |
Краіна: | Англія |
Спонсар: | CaesarsCasino.com (2011) PartyPoker.com (2012) Betfair (2013) 888casino.com (2014) Betway (2015) Coral (2016–...) |
Фармат: | Нярэйтынгавы турнір (1990–2016) Рэйтынгавы турнір (2017–...) |
Прызавы фонд: | £130,000 (2011–2017) £146,000 (2018–...) |
Колькасць удзельнікаў: | 128 (2017–...) |
Рэкорды | |
Дзеючы чэмпіён: | Майкл Джорджыу (першы тытул) |
Рэкордная колькасць тытулаў: | 1: Дарэн Морган |
Найвышэйшая серыя: | 135: |
Апошні турнір | |
Shoot-Out 2018 |
Традыцыйна ўсе матчы на Shoot-Out складаюцца з аднаго фрэйма. Толькі фінал турніру 1990 года складаўся з трох фрэймаў (да двух перамог). Акрамя таго, з 2011 года былі прыняты адхіленні ад правіл снукера, найбольш значныя з якіх — на кожны фрэйм гульцам адводзіцца толькі па 10 хвілін, а на кожны ўдар — не больш за 15 секунд у першую пяціхвілінку і не больш за 10 секунд у другую пяціхвілінку. Такім чынам, турнір мае альтэрнатыўны фармат, які адрознівае матчы на Shoot-Out ад іншых снукерных турніраў.
Яшчэ ні аднаму з снукерыстаў турнір не пакараўся двойчы. Па адным разе перамогу атрымлівалі Дарэн Морган (1990), Найджэл Бонд (2011), Бары Хокінс (2012), Мартын Гоўлд (2013), Дамінік Дэйл (2014), Майкл Уайт (2015), Робін Хал (2016), Энтані Мак-Гіл (2017) і Майкл Джорджыу (2018). Сяа Гадун (2015, 2017) і Грэм Дот (2012, 2018) па два разы даходзілі да фіналаў, але не выйгралі ніводнага тытула. На мінулых васьмі турнірах было аформлена 14 соценных серый. З іх па дзве на рахунку Роні О'Салівана (абедзве ў 2011 годзе) і Мартына Гоўлда (адна — у 2012, другая — у 2015 годзе).