Малашчацінкавыя чэрві

Малашчацінкавыя чэрві, алігахеты (Oligocheata) — падклас кольчатых чарвей.

Малашчацінкавыя чэрві
Дажджавы чарвяк (Lumbricus terrestris)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Надтып:  Спіральныя Тып:  Кольчатыя чэрві Клас:  Clitellata Падклас:  Малашчацінкавыя чэрві
Міжнародная навуковая назва
Oligochaeta Jamieson, 1981
Атрады
Haplotaxida Lumbriculida Moniligastrida
Сістэматыка на Віківідах Выявы на Вікісховішчы ITIS   68422 NCBI   6381 EOL   2564270

Вядома каля 27 сямействаў, больш за 5 тыс. відаў. Пашыраны ўсюды, жывуць у глебе, прэсных вадаёмах, каля 200 відаў марскія. На Беларусі 8 сямействаў, больш за 60 відаў; найбольш трапляюцца дэндрабена васьмігранная (Dendrobaena octaedra), малы чырвоны чарвяк (Lubricous rubellus), наіда зменлівая, або змейка вадзяная зменлівая, стылярыя азёрная (Stylaria lacustris), трубачнік звычайны (Tubifex tubifex), шчацінкабрух празрысты (Chaetogaster diaphanous), эаласома гемпрыхава (Aeolosoma hemprichi), энхітрэус белы (Enchytraeus albidus).

Даўжыня ад 0,5 мм да 3 м. Цела цыліндрычнае, злёгку сплошчанае або чатырохграннае, складаецца з 5 — 600 членікаў (сегментаў), на кожным з іх (акрамя ротавага) 4 пучкі шчацінак рознай формы.

Кормяцца пераважна расліннымі рэшткамі, ёсць драпежнікі і эктапаразіты.

Пераважна гермафрадыты, некаторым уласціва бясполае і вегетацыйнае размнажэнне. Яйцы развіваюцца ў кокане. Развіццё прамое. Здольныя да рэгенерацыі.

Удзельнічаюць у мулаўтварэнні і мінералізацыі асадкаў у прэсных вадаёмах, уплываюць на структуру глеб, садзейнічаюць самаачышчэнню вадаёмаў. Некаторыя — прамежкавыя і рэзервуарныя гаспадары ўзбуджальнікаў гельмінтозаў дзікіх і свойскіх жывёл. Корм для рыб, птушак, землярыек, кратоў і інш.