H-I (ракета-носьбіт)
From Wikipedia, the free encyclopedia
H–I (H–1) — японская ракета-носьбіт, якая складалася з ліцэнзійнай копіі першай ступені амерыканскай ракеты Delta і верхніх ступеней уласна японскай распрацоўкі. Літара «H» у назве адсылае на выкарыстанне вадкага вадароднага паліва на другой ступені. Ракета была запушчана агулам дзевяць разоў у перыяд з 1986 па 1992 год. Яна замяніла ракету N-II, а потым сама была заменена на H-II, якая выкарыстоўвала тыя ж верхнія ступені, але з новай японскай першай ступенню.
H-I | |
![]() | |
Агульныя звесткі | |
---|---|
Краіна | ![]() |
Сямейства | Delta |
Прызначэнне | ракета-носьбіт |
Распрацоўшчык | McDonnell Douglas |
Вытворца | Mitsubishi Heavy Industries |
Асноўныя характарыстыкі | |
Колькасць ступеней | 2 ці 3 |
Даўжыня | 42 м |
Дыяметр | 2,44 м |
Стартавая маса | 142,3 т |
Вага, якая закідваецца | На НАА: 3200 кг На ГПА: 1100 кг |
Гісторыя запускаў | |
Стан | не запускаецца |
Лік запускаў | 9 |
- паспяховых | 9 |
Першы запуск | 12 жніўня 1986 |
Апошні запуск | 11 жніўня 1992 |
Першая ступень H-I была ліцэнзійнай версіяй Thor-ELT, якая першапачаткова была пабудавана для амерыканскай ракеты Delta 1000. Ступень ужо выраблялася ў Японіі па ліцэнзіі для ракет N-I і N-II. Другая ступень была цалкам японскай, з выкарыстаннем рухавіка LE-5, першага японскага ракетнага рухавіка з выкарыстаннем крыягеннага паліва. Пры запусках на геапераходныя арбіты ў якасці трэцяй ступені выкарыстоўваўся цвердапаліўны рухавік UM-69A вытворчасці Nissan. У залежнасці ад масы карыснай нагрузкі выкарыстоўваліся шэсць ці дзевяць паскаральнікаў Castor 2.