Круглаязычныя (Discoglossidae) — сямейства земнаводных падатрада апістацэльных.
Хуткія факты Навуковая класіфікацыя, Міжнародная навуковая назва ...
Круглаязычныя |
Жарлянка чырванабрухая |
Навуковая класіфікацыя |
---|
|
Міжнародная навуковая назва |
---|
Discoglossidae Günther, 1858
|
Сінонімы |
---|
- Alytae Fitzinger, 1843
- Alytina Bonaparte, 1850
- Alytidae Günther, 1858
- Discoglossidae Günther, 1858
- Discoglossina Mivart, 1869
- Discoglossinae Fejérváry, 1922
- Discoglossoidea Laurent, 1967
- Alytini Sanchíz, 1984
- Alytinae Dubois, 1987
- Colodactylidae Dubois, 1987
- Alytidae Frost, Grant, Faivovich, Bain, Haas, Haddad, de Sá, Channing, Wilkinson, Donnellan, Raxworthy, Campbell, Blotto, Moler, Drewes, Nussbaum, Lynch, Green & Wheeler, 2006
|
Тыпавы род |
---|
|
Роды |
---|
- Alytes
- Discoglossus
- †Bakonybatrachus
|
|
Закрыць
Назва сямейства звязана са своеасаблівай для яго прадстаўнікоў будовай языка, які не выкарыстоўваецца пры схопліванні здабычы, бо прымацаваны ўсёй ніжняй паверхняй да дна ротавай поласці. Характэрнай рысай з’яўляюцца заднеўвагнутыя і выпуклыя ўперадзе, або апістацэльныя, тулаўныя пазванкі, якіх налічваецца не менш як восем. Папярочныя адросткі крыжавога пазванка расшыраны.
Вядомы 4 роды, якія аб’ядноўваюць 11 відаў[1]. Пашыраны ў Еўразіі і Паўночнай Афрыцы, у фауне Беларусі сустракаецца жарлянка чырванабрухая.
Для жарлянак характэрна адсутнасць барабаннай перапонкі і трохгранная зрэнка. Афарбоўка спіннога і брушнога бакоў цела рэзка адрозніваецца. Калі афарбоўка злёгку бугрыстай скуры спіны вар’іруе ад светла-шэрай да чорнай, то брушка, горла і ўнутраныя паверхні канечнасцей маюць своеасаблівы мазаічны малюнак з ярка-чырвоных або жоўтых плям на цёмным фоне. Скурныя выдзяленні жарлянак маюць найбольш едкі сакрэт сярод амфібій ва ўмераных шыротах.
Унікальнымі прадстаўнікамі другога роду гэтага сямейства, якія пашыраны ў Заходняй Еўропе, з’яўляюцца жабы-павітухі. Для іх характэрны своеасаблівы клопат пра патомства. Самец наматвае пакінуты самкай на сушы шнур, які складаецца з 18-50 ікрынак, на сцёгны задніх канечнасцей і носіць яго з сабой. Да моманту вылуплівання апалонікаў ён пераносіць ікрынкі ў вадаём.