Austin Champ — брытанскі пазадарожнік, выраблены кампаніяй Austin Motor Company. Існуе ў цывільнай і армейскай варыяцыях.
Гісторыя
Распрацоўка пачалася ў 1947 годзе з мэтай паменшыць залежнасць ад паставак машын з ЗША. Пры стварэнні аўтамабіля распрацоўшчыкі абапіраліся на амерыканскі джып Willys MB.
У першых прататыпаў спецыялісты выявілі сур’ёзныя недахопы, і канструкцыя была палепшана. З 1 верасня 1951 года Austin Champ паступіў у серыйную вытворчасць.
Калі Champ паступіў на ўзбраенне арміі, стала відавочна, што ён быў занадта дарагім (1200 фунтаў стэрлінгаў па цэнах 1951 года). Гэта адбілася на кантрактах распрацоўшчыкаў з Узброенымі сіламі: замест 15000 было заказана 4000 аўтамабіляў.
У сярэдзіне 1960-х гадоў было прынята рашэнне аб зняцці машын з узбраення.
Апісанне
Рухавік чатырохцыліндравы аб’ёмам 2838 куб. см, распрацаваны Rolls-Royce.
Каробка перадач мела пяць перадач. Выкарыстоўвалася звычайнае счапленне Borg & Beck з механічнай сувяззю.
Сістэма падвескі грунтавалася на падоўжных тарсіёнах для асноўнага рысоравання і мела цалкам незалежную падвеску ўсіх чатырох колаў на падвойных папярочных рычагах.
Тармазная сістэма была пастаўлена кампаніяй Girling. У ёй выкарыстоўваліся барабаны і простая адналінейная гідраўлічная сістэма без электраўзмацняльніка.
Рухавік, паліўная сістэма і ўсе электрычныя элементы былі воданепранікальнымі, каб транспартны сродак мог прабірацца ўброд на глыбіню 6 футаў (2 м) з мінімальнай падрыхтоўкай.
Спасылкі
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
