Эйстэйн I Магнусан

У Вікіпедыі ёсць артыкулы пра іншых людзей з імем Эйстэйн.

Эйстэйн I Магнусан (нарв.: Øystein I Magnusson, каля 1088 — 29 жніўня 1123) — кароль Нарвегіі з 1103 па 1123 год.

Эйстэйн I Магнусан
Øystein I Magnusson
Кароль Нарвегіі 1103 г. — 29 жніўня 1123 г.
Папярэднік	Магнус III Басаногі
Пераемнік	Сігурд I Крыжак
Нараджэнне	1088[1][2] Нарвегія
Смерць	29 жніўня 1123[2] Hustad[d], Fræna Municipality[d], Мёрэ-ог-Румсдал, Нарвегія[3]
Месца пахавання	Нідараскі сабор
Род	Дынастыя Хорфагераў[d]
Бацька	Магнус III[4]
Жонка	Ingebjørg Guttormsdatter[d][5]
Веравызнанне	хрысціянства
Медыяфайлы на Вікісховішчы

Біяграфія

Эйстэйн быў старэйшым сынам караля Магнуса III, народжаным ад невядомай наложніцы нізкага паходжанняЗаконных дзяцей у Магнуса не было, таму пасля яго гібелі ў Ірландыі ў 1103 годзе суправіцелямі Нарвегіі фармальна сталі Эйстэйн і два яго малодшыя браты, Сігурд I Крыжак і Олаф Магнусан. Олаф памёр у 1115 годзе, не дасягнуўшы паўналецця, а Эйстэйн і Сігурд заставаліся суправіцелямі да смерці Эйстэйна ў 1123 годзе, пасля чаго Сігурд застаўся аднаасобным кіраўніком Нарвегіі.

З 1107 па 1110 год Сігурд браў удзел у крыжовым паходзе, і Эйстэйн быў фактычна аднаасобным кіраўніком краіны. Хоць яго адносіны з Сігурдам былі даволі напружанымі, ім удалося пазбегнуць адкрытага канфлікту. Эйстэйн у значнай ступені адказны за эканамічнае і культурнае развіццё Нарвегіі ў пачатку XII стагоддзя. Пры ім былі пабудаваны некалькі цэркваў, заснавана абацтва Мункеліў у Бергене. Ён заваяваў для Нарвегіі гістарычную вобласць Емтланд у паўночнай Швецыі, паводле «Кругу Зямнога» Сноры Стурлусана; Емтланд заставаўся ў складзе Нарвегіі да 1645 года.

Эйстэйн быў жанаты на Інгеборг, дачцэ Гутама. У іх была адзіная дачка, Марыя, маці прэтэндэнта на прастол падчас грамадзянскай вайны Олафа Нешчаслівага, як быў абвешчаны каралём у 1166 годзе, але затым зрынуты і вымушаны бегчы з краіны.

Зноскі

1. https://nbl.snl.no/%C3%98ystein_1_Magnusson
2. Øystein 1. Magnusson // Store norske leksikon — 2021. — ISSN 2464-1480 Праверана 15 чэрвеня 2022.

   <a href='https://wikidata.org/wiki/Track:Q746368'></a>
3. Krag C. Øystein 1. Magnusson // Norsk biografisk leksikon — Kunnskapsforlaget, 2021. — ISSN 2464-1502 Праверана 15 чэрвеня 2022.

   <a href='https://wikidata.org/wiki/Track:Q746368'></a><a href='https://wikidata.org/wiki/Track:Q1563206'></a><a href='https://wikidata.org/wiki/Track:Q266603'></a>
4. Lundy D. R. The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
5. (unspecified title) Праверана 7 жніўня 2020.

Літаратура

• Claus Krag. «Øystein I Magnusson» I: Norsk biografisk leksikon, 2. utg. Bd 10. 2005