Хімеравыя

Хімеравыя (Chimaeridae) — сямейства марскіх храстковых рыб атрада хімерападобных. Сустракаюцца ў Атлантычным і Ціхім акіянах.

Хімеравыя
Еўрапейская хімера (Chimaera monstrosa)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Клас:  Храстковыя рыбы Падклас:  Суцэльнагаловыя Атрад:  Хімерападобныя Сямейства:  Хімеравыя
Міжнародная навуковая назва
Chimaeridae Rafinesque, 1815
Сістэматыка на Віківідах Выявы на Вікісховішчы ITIS   161013 NCBI   7869 EOL   8904 FW   132672

Апісанне

Рыла (рострум) кароткае, мясістае, закругленае. Максімальная даўжыня складае каля 1,5 м у Chimaera lignaria, якая меркавана з’яўляецца самай буйнай хімерай. Каналы бакавой лніі маюць выгляд адкрытых жалабкоў. Каналы, размешчаныя на рыле, расшыраныя. Хваставы плаўнік дыферацэркальны. Яйцавая капсула адносна невялікая (17 см у даўжыню, 2,5 см у шырыню), верацёнападобная, з кілем.

Маецца звязаная са спінным шыпом ядавітая залоза. Яд яе небяспечны для чалавека.

Пашырэнне

Выкапнёвыя вядомы з мелавога перыяду. 2 сучасных роды налічваюць каля 30 відаў. Насельнікі марскіх вод ва ўмерана цёплай і барэальнай кліматычных зонах. Большасць відаў сустракаецца ў заходняй частцы Ціхага акіяна ля берагоў Японіі і Новай Зеландыі.

Зноскі

Літаратура

• Nelson J. S., Grande T. C., Wilson M. V. H. Fishes of the World. — 5th ed. — Hoboken: John Wiley & Sons, 2016. — 752 p. — ISBN 978-1-118-34233-6.