Хурма

Хурма (Diospyros) — род субтрапічных і трапічных лістападных або вечназялёных дрэў і хмызнякоў сямейства эбенавыя (Ebenaceae). Дрэвы дажываюць да пяцісот гадоў. У многіх відаў пладоў ядомыя — яны ўяўляюць сабой буйныя аранжавыя сакавітыя ягады. Каля 500 відаў. Пашыраны ў трапічных (пераважна дажджавых лясах Малайскага архіпелага) і субтрапічных паясах, некаторыя дасягаюць Японіі і Паўночнай Амерыкі. На Каўказе 1 рэліктавы від — хурма звычайная. Вырошчваюць 2 віды: хурму ўсходнюю і хурму вірджынскую.

Хурма
Хурма ўсходняя (Diospyros kaki)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя[1] Клас:  Двухдольныя[2] Парадак:  Верасакветныя Сямейства:  Эбенавыя Род:  Хурма
Міжнародная навуковая назва
Diospyros L.
Сінонімы
Cargillia R.Br. Cavanillea Desr. Ebenus Kuntze Embryopteris Gaertn. Guaiacana Duhamel Idesia Scop. Maba J.R.Forst. & G.Forst. Mabola Raf. Macreightia A.DC. Noltia Thonn. Paralea Aubl. Pimia Seem. Rhaphidanthe Hiern ex Gürke Ropourea Aubl. Royena L. Tetraclis Hiern
Тыпавы від
Diospyros lotus
Сістэматыка на Віківідах Выявы на Вікісховішчы ITIS   23853 NCBI   13492 EOL   40060 GRIN   g:3761 IPNI   14446 FW   54724

Плады

Плод — ягада, дыяметрам да 10 см. Свежыя плады хурмы ўсходняй маюць да 25 % монацукрыдаў, сушаныя — да 62 %, жалеза, вітамін С, не маюць кіслот^[3][4].

Гаспадарчае значэнне

Харчовыя, тэхнічныя, лекавыя і дэкаратыўныя расліны.

З драўніны хурмы вырабляюць ткацкія чаўнакі.

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
3. Бесараб С. В. Заметки фитохимика. Хурма // Хабр — habr.com, 19 декабря 2018, 15:17
4. Бесараб С. В. Хурма 2.0 Инструкция по употреблению // Хабр — habr.com, 24 декабря 2018, 19:43

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).