Храм Месяца
From Wikipedia, the free encyclopedia
From Wikipedia, the free encyclopedia
Храм Месяца, або Уака Месяца — збудаванне з саману на поўначы Перу ў рэгіёне Ла-Лібертад, прыкладна за 5 км ад г. Трухілья. Храм адносіцца да старажытнай культуры Мачыка. Недалёка ад яго знаходзіцца Храм Сонца, таксама культуры мачыка; паміж двума храмамі знаходзіўся горад. У цяперашні час храм прыцягвае турыстаў фрэскамі, якія захаваліся на сценах .
Храм быў культавым, цырыманіяльным і рэлігійным цэнтрам. З’яўляецца адной з нешматлікіх уакаў, у якім захаваліся цудоўныя сцены і насценныя фрэскі, нягледзячы на тое, што храм быў разрабаваны. У канструкцыі дадзенай уакі можна адзначыць некалькі храмаў, якія надбудоўваліся адзін над адным у розныя эпохі. Мае прамавугольны падмурак шырынёй 87 метраў і вышынёй 21 метр. На яго верхняй платформе ўзвышаюцца некалькі залаў, упрыгожаных чалавечымі фігурамі. На цырыманіяльным алтары апошняга па часе пабудовы храмаў выяўлены рэшткі 40 воінаў, прынесеных у ахвяру.
У Храме Месяца захаваліся цікавыя насценныя фрэскі, выкананыя фарбамі 5 колераў (белы, чорны, чырвоны, сіні і гарчычнае-карычневы) мінеральнага паходжання, а таксама рэльефы, на якіх можна распазнаць мачыкскае бажаство Ай-Апаэк або нейкае абезгалоўленае (? ісп.. degollador) бажаство. Акрамя таго, вакол храма маецца храмавы двор і плошчы, збудаваныя больш за 1500 гадоў таму назад.
На фасадзе адлюстраваны некалькі персанажаў, такіх, як бажаство гор з паясамі, на якіх вісяць галава кондара, лісы, змяі, велізарныя ракі з цырыманіяльнымі нажамі, людзей, якія трымаюць адзін аднаго за рукі, а таксама жрацоў. Кожная з фігур звязана з культам вады, урадлівасці зямлі і ахвярамі, якія прыносяцца ў храме.
Маецца ўнутраны двор плошчай 10 тыс. кв. м., адкуль насельніцтва гарадской зоны магло назіраць падрыхтоўкі да ахвярапрынашэння воінаў, аднак, як уяўляецца, само здзяйсненне ахвяр адбывалася ў прысутнасці толькі вышэйшых службовых асоб.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.