![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1e/PistHalva.jpg/640px-PistHalva.jpg&w=640&q=50)
Халва
From Wikipedia, the free encyclopedia
Халва́ — цукрысты кандытарскі выраб слаіста-валакністай будовы; від усходніх прысмакаў.
![Thumb image](http://upload.wikimedia.org/wikipedia/commons/thumb/1/1e/PistHalva.jpg/640px-PistHalva.jpg)
Вырабляюць вымешваннем гарачай карамелістай масы, узбітай з пенаўтваральнікам (адвар мыльнага кораня ці салодкі), з масай абсмажаных і расцёртых ядзер алейных зерняў ці арэхаў.
У залежнасці ад выкарыстаных алейных зерняў бывае кунжутная, арахісавая, арэхавая, сланечнікавая і інш. Выпускаюць халву з дабаўкамі ваніліну, какосавай стружкі, какава-парашку, разынак, глазураваную шакаладам.
Мае вялікую колькасць тлушчу (25—30 %), цукру (25—45 %), бялку (8—10 %) і нізкую вільготнасць. Энергетычная каштоўнасць 100 г халвы — 545 ккал.