Фетыда
From Wikipedia, the free encyclopedia
Фетыда (стар.-грэч.: Θέτις, лац.: Thetis) — у старажытнагрэчаскай міфалогіі марская багіня, найбольш вядомая з нерэід, дачка Нерэя, жонка героя Пелея і маці Ахіла, якога загартавала ў водах падземнай ракі Стыкс. Паводле аднаго з міфаў, у час вяселля Фетыды багіня разладу Эрыда, якую не запрасілі на баль, з помсты кінула на стол «яблык разладу». Гэта прывяло да Траянскай вайны, у час якой Фетыда дапамагала Ахілу.