Уладзімір Ягоравіч Саўчанка

У Вікіпедыі ёсць артыкулы пра іншых людзей з прозвішчам Саўчанка.

Уладзі́мір Яго́равіч Са́ўчанка (нар. 26 лютага 1952, в. Фралоўка Касцюковіцкага раёна, Магілёўская вобласць, БССР) — дзяржаўны дзеяч Беларусі, былы старшыня Гродненскага абласнога выканаўчага камітэта (2001—2010).

Уладзімір Ягоравіч Саўчанка
Старшыня Гродзенскага абласнога выканаўчага камітэта 29 красавіка 2001 — 25 студзеня 2010
Прэзідэнт	Аляксандр Лукашэнка
Кіраўнік урада	Уладзімір Ярмошын Генадзь Навіцкі Сяргей Сідорскі
Папярэднік	Аляксандр Дубко
Пераемнік	Сямён Шапіра
Нараджэнне	26 лютага 1952(1952-02-26) (72 гады) в. Фралоўка Касцюковіцкі раён, Магілёўская вобласць, БССР
Адукацыя	Беларуская дзяржаўная сельскагаспадарчая акадэмія

Біяграфія

У 1974 годзе скончыў Беларускую дзяржаўную сельскагаспадарчую акадэмію.

Працаваў дырэктарам Брасаўскага сельгастэхнікума, Бранскай вобласці, Расія. Быў прарабам, начальнікам Круглянскага ДРБУ, старшынёй калгаса, пасля — старшынёй Круглянскага райвыканкама.

У 1996—1999 гадах — намеснік старшыні Магілёўскага аблвыканкама.

З 1999 па 2001 год быў першым намеснікам старшыні Гродзенскага аблвыканкама.

5 лютага 2001 года быў прызначаны в. а. старшыні Гродзенскага аблвыканкама (у сувязі са смерцю Аляксандра Дубко).

29 сакавіка 2001 года Указам Прэзідэнта быў прызначаны старшынёй Гродзенскага аблвыканкама.^[1]

25 студзеня 2010 года быў вызвалены з пасады ў сувязі з пераходам на іншую работу.^[2]

Праца на пасадзе старшыні Гродзенскага аблвыканкаму

Дзейнасць Уладзіміра Саўчанкі на чале Гродзенскай вобласці часта ацэньваецца негатыўна. У першую чаргу з яго асобай звязваюць руйнаванне гістарычнага цэнтру Гродна, а таксама наступ на мясцовую незалежную прэсу і яе ліквідацыю^{[крыніца?]}.

У 2005—2009 гадах была праведзеная «рэканструкцыя» Гродна пад кіраўніцтвам губернатара Уладзіміра Саўчанкі. Падчас «рэканструкцыі» быў знішчаны цэлы шэраг помнікаў гісторыі і культуры: магнацкі Палац на Падоле (помнік архітэктуры XVIII стагоддзя)^[3], стайні Сцяпана Батуры (помнік архітэктуры XVI стагоддзя)^[4], флігель палаца віцэ-адміністратара другой паловы XVIII стагоддзя. У тыя часы ён выконваў функцыю стайні і карэтнай. Гэты будынак быў самай старой аўтэнтычнай стайняй, якая захавалася на тэрыторыі Беларусі. Пасля трох месяцаў вырашэння лёсу флігеля, які цалкам захаваўся з 1794 году, яго зруйнавалі^[5][6][7].

Крыніцы

1. Указ Прэзідэнта Рэспублікі Беларусь ад 29 сакавіка 2001 года №176 «Аб прызначэнні У.Я.Саўчанкі старшынёй Гродзенскага аблвыканкама» (руск.)
2. Указ Прэзідэнта Рэспублікі Беларусь ад 25 студзеня 2010 года № 46 «Аб вызваленні ад пасады У.Я.Саўчанкі»(недаступная спасылка) (руск.)
3. Страчаны палац на Падоле // harodnia.com
4. Ценность, о которой не знали. 10 лет назад в Гродно разрушили здание XVI в.(недаступная спасылка) // hrodna.life
5. В Гродно уничтожен очередной памятник истории // Эўрарадыё (руск.)
6. В Гродно разрушен флигель дворца вице-администратора XVIII века Архівавана 27 верасня 2020. // naviny.by (руск.)
7. У Горадні зносяць флігель XVIII стагодзьдзя // Наша ніва

Спасылкі

• Біяграфія (руск.)