![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/19/LibreOffice_Writer_screenshot_showing_a_table_%2528Cyrillic%2529.png/640px-LibreOffice_Writer_screenshot_showing_a_table_%2528Cyrillic%2529.png&w=640&q=50)
Тэкставы працэсар
From Wikipedia, the free encyclopedia
Тэкставы працэсар — камп’ютарная праграма для стварэння і мадыфікацыі тэкставых дакументаў, кампаноўкі макета тэксту і папярэдняга прагляду дакументаў у тым выглядзе, як яны будуць надрукаваны (уласцівасць, вядомая як WYSIWYG)[1].
![Thumb image](http://upload.wikimedia.org/wikipedia/commons/thumb/1/19/LibreOffice_Writer_screenshot_showing_a_table_%28Cyrillic%29.png/640px-LibreOffice_Writer_screenshot_showing_a_table_%28Cyrillic%29.png)
Сучасныя тэкставыя працэсары, акрамя фарматавання шрыфтоў і абзацаў, праверкі арфаграфіі, уключаюць магчымасці, раней уласцівыя толькі настольным выдавецкім сістэмам, у тым ліку стварэнне табліц і ўстаўку графічных выяў[1].
Тэкставымі працэсарамі ў 1970-я—1980-я гады называлі прызначаныя для набору і друку тэкстаў машыны індывідуальнага і офіснага выкарыстання, складзеныя з клавіятуры, убудаванага камп’ютара для прасцейшага рэдагавання тэксту, а таксама электрычнай друкавальнай прылады. Пазней найменне «тэкставы працэсар» стала выкарыстоўвацца для камп’ютарных праграм, прызначаных для аналагічнага выкарыстання.
![Thumb image](http://upload.wikimedia.org/wikipedia/commons/thumb/d/d5/Hardwarewordprocessor.png/640px-Hardwarewordprocessor.png)
Праграмы для працы з тэкстамі можна падзяліць на тэкставыя рэдактары, тэкставыя працэсары і выдавецкія сістэмы.