From Wikipedia, the free encyclopedia
Сцяг Фларыды (англ.: Flag of Florida) — адзін з дзяржаўных знакаў амерыканскага штата Фларыда.
Сцяг уяўляе сабой прамавугольнае палотнішча белага колеру з чырвоным Андрэеўскім крыжам. У цэнтры намалявана пячатка Фларыды.
Сцяг быў прыняты на рэферэндуме, праведзеным у 1900 годзе. У 1985 годзе быў зменены дызайн пячаткі штата, што пацягнула за сабой замену сцяга.
Пасля таго, як у студзені 1861 Фларыда выйшла са складу Саюза, у карыстанні з’явілася шмат неафіцыйных сцягоў. Генеральная Асамблея штата перадала губернатару штата Мэдысану С. Пэры (англ.: Madison S. Perry) дырэктыву, у якой яму прапаноўвалася распрацаваць сцяг Фларыды, які і быў прыняты 13 верасня 1861 года. Звестак аб прымяненнi гэтага сцяга не захавалася, як мяркуецца, ён быў адменены ў 1865 годзе, пасля паразы канфедэратаў ў Грамадзянскай вайне.
Сцяг уяўляў сабой прамавугольнае палотнішча, падзеленае па вертыкалі на дзве часткі. У левай частцы сіняга колеру змяшчалася выява пячаткі штата, правая частка была падзелена на тры роўнавялікія гарызантальныя паласы: крайнія чырвонага і сярэдняя белага колераў.
Другі афіцыйны сцяг быў прыняты 6 жніўня 1868 года, ён уяўляў сабой белае палотнішча (суадносіны бакоў 12:13) з пячаткай штата ў цэнтры. У канцы 1890-х гадоў губернатар штата Фрэнсіс П. Флемінг (англ.: Francis P. Fleming) прапанаваў дадаць на сцяг чырвоны Андрэеўскі крыж, каб той не быў падобны на «белы сцяг» паразы.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.