Старшы навуковы супрацоўнік
From Wikipedia, the free encyclopedia
Старшы навуковы супрацоўнік — пасада ў навуковых, навукова-даследчых, навукова-практычных і вышэйшых навучальных установах, а таксама аднайменнае навуковае званне ў некаторых краінах свету. У пасадовай іерархіі знаходзіцца вышэй навуковага супрацоўніка і ніжэй вядучага навуковага супрацоўніка.
У сучаснай Беларусі гэта толькі пасада. Навуковае званне старшага навуковага супрацоўніка ў Беларусі ўжо не прысвойваецца, а асобы, якія яго атрымалі раней (напрыклад, у часы БССР), маюць права атрымаць замест яго навуковае званне дацэнта па асобнай працэдуры.