Рэйтынг зборных ФІФА

Рэйтынг зборных ФІФА або Сусветны рэйтынг ФІФА/Coca-Cola (англ.: The FIFA/Coca-Cola World Ranking) — сістэма ранжыравання нацыянальных зборных па футболе. Упершыню была ўведзена ў 1993-м годзе як адносны паказчык сілы зборнай каманды на бягучы момант, які дазваляе ацаніць дынаміку росту каманды. У ліпені 2006 года, на чэмпіянаце свету ў Германіі, у сістэму налічэння ачкоў былі ўнесены значныя змены.

Топ-20 рэйтынгу ад 20 верасня 2018 года
№	Зборная	Ачкі
1	Бельгія	1729	▲
1	Францыя	1729	▬
3	Бразілія	1663	▬
4	Харватыя	1634	▬
5	Уругвай	1632	▬
6	Англія	1612	▬
7	Партугалія	1606	▬
8	Швейцарыя	1598	▬
9	Іспанія	1597	▬
10	Данія	1581	▼
11	Аргенціна	1575	▬
12	Чылі	1568	▬
12	Германія	1568	▲
14	Калумбія	1567	▬
15	Швецыя	1550	▼
15	Мексіка	1550	▲
17	Нідэрланды	1540	▬
18	Польшча	1537	▬
19	Уэльс	1536	▬
20	Італія	1526	▲
	Поўны спіс на сайце ФІФА

Колькасць ачкоў у рэйтынгу залежыць ад выступленняў нацыянальнай каманды за апошнія чатыры гады. Чым больш паспяхова яна выступае, тым вышэй месца ў рэйтынгу. За кожны згуляны матч камандам налічваюцца ачкі згодна з правіламі.

Рэйтынг ФІФА лічыцца афіцыйным, акрамя яго існуе яшчэ некалькі неафіцыйных сістэм ранжыравання.

На дадзены момант зборная Германіі ўзначальвае рэйтынг FIFA. За ўсю гісторыю рэйтынгу толькі 8 зборных дасягалі першага радка, з іх 6 зборных з Еўропы — Германія, Італія, Францыя, Іспанія, Нідэрланды, Бельгія, і 2 з Паўднёвай Амерыкі — Бразіліі і Аргенціна.