Пі́кша (Melanogrammus aeglefinus) — від рыб з сямейства трасковых (Gadidae), вылучаемы ў манатыпічны род Melanogrammus.
Хуткія факты Навуковая класіфікацыя, Міжнародная навуковая назва ...
Закрыць
Даўжыня да 1 м (звычайна 50—75 см), маса да 19 кг.
Пашырана ў паўночнай частцы Атлантычнага і ў Паўночным Ледавітым акіянах, найбольш у Паўночным моры, каля вострава Ісландыя, у паўночнай частцы Баранцава мора, на Ньюфаўндлендскай банцы. Жыве каля дна, трымаецца чародамі. Робіць кармавыя і нерастовыя міграцыі.
Корміцца бентасам, часам рыбай, ікрой селядцоў і мойвы.
Ікра пелагічная. Маляўкі жывуць у тоўшчы вады, хаваюцца ад драпежнікаў пад купаламі медуз.
З’яўляецца важнай прамысловай рыбай.