![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/74/Doors007_c.png/640px-Doors007_c.png&w=640&q=50)
Псіхадэлічны рок
From Wikipedia, the free encyclopedia
Псіхадэлічны рок (англ.: Psychedelic Rock) — музычны жанр, які ўзнік у сярэдзіне 60-х гадоў у Заходняй Еўропе і Каліфорніі (Сан-Францыска і Лос-Анджэлесе). Псіхадэлічны рок, або «псіхадэлія», звязаны з паняццямі «псіхадэлія» і «псіхадэлікі» (галюцынагены). Псіхадэлічны рок таксама цесна звязаны з субкультурай хіпі і ўсходняй (індыйскай) філасофіяй. Псіхадэлічны рок — складаная, экспрэсіўная музыка, якая моцна ўздзейнічае на слухача. Першапачаткова звязаны непасрэдна з ужываннем псіхадэлікаў як слухачамі, так і музыкамі, псіхадэлічны рок, з часам, стаў імітаваць дзеянне галюцынагенаў. Для гэтага выкарыстоўваецца шырокі арсенал сродкаў музычнай выразнасці і спецыяльныя эфекты пры выкананні музыкі.
Псіхадэлічны рок | |
---|---|
![]() | |
Кірунак: | Рок |
Вытокі: |
Індыйская музыка Псіхадэлічная музыка Джаз Фолк-рок |
Месца і час узнікнення: | Вялікабрытанія, ЗША канец 1960-х |
Папулярнасць: | 1960—1975 гады |
Разнавіднасці | |
Паджанры: | Acid rock |
Роднасныя: |
Блюз-рок Арт-рок Псіхадэлічны фолк Псіхадэлічны поп |
Вытворныя: | Хард-рок, Хэві-метал, Нью-эйдж, Прагрэсіў-рок, Стоўнер-рок, Неа-псіхадэлія |
У артыкуле «Псіхадэлія: новае моднае слова і што яно азначае», які з’явіўся ў кастрычніку 1966 у газеце «Melody Maker», гітарыст гурта «Hollies» Грэм Нэш, які наведваў раней псіхадэлічныя сесіі ў ЗША, пісаў: «Яны імкнуцца ўзнавіць ЛСД-сесію без выкарыстання наркотыкаў… гэта спроба раскрыць свядомасць. Яны спрабуюць дамагчыся таго ж самага, але з дапамогай спалучэння музыкі і светлавых эфектаў». Характэрнай рысай псіхадэлічнага рока сталі працяглыя сольныя партыі вядучых інструментаў. Жывыя выступы гуртоў у гэтым жанры звычайна суправаджаюцца яркім візуальным шоу з выкарыстаннем святла, дыму, відэа-інсталяцый і іншых эфектаў.