Прышцінскі ўніверсітэт

Прышцінскі ўніверсітэт (алб.: Universiteti I Prishtinës) — дзяржаўная ўстанова вышэйшай адукацыі, знаходзіцца ў Прышціне, Косава.

Прышцінскі ўніверсітэт
алб.: Universiteti I Prishtinës
Заснаваны	1999
Рэктар	Мар’ян Дэма[d]
Студэнты	38 974
Краіна	Рэспубліка Косава
Сайт	uni-pr.edu (алб.)​ (англ.)
Медыяфайлы на Вікісховішчы

Гісторыя

Універсітэт у Прышціне быў заснаваны 18 лістапада 1969 года. На той момант, у адпаведнасці з заканадаўствам, ва ўніверсітэце выкладалі на сербскай, а таксама албанскай мовах. Аднак палітычныя падзеі, вайна, паслядоўныя ўзаемныя высылкі выкладчыкаў той ці іншай этнічнай прыналежнасці і выніковая паўсюдная палярызацыя на этнічнай аснове прывялі да раз’яднання ўстановы. У 1999 годзе з’явіліся дзве ўстановы, якія выкарыстоўваюць адно і тое ж імя. Дзейнасць на албанскай мове працягваецца ва ўніверсітэце ў першапачатковым месцы у Прышціне, у той час як Прышцінскі ўніверсітэт на сербскай мове пераехаў у Паўночную Мітравіцу, дзе ён захоўвае сваё месца ў сербскай сістэме адукацыі.

Факультэты

Зараз у Прышцінскім універсітэце 17 факультэтаў, з іх 14 — акадэмічныя, а 3 — прыкладныя.

Акадэмічныя факультэты:

• Філасофскі факультэт
• Матэматычна-прыродазнаўчы факультэт
• Філалагічны факультэт
• Юрыдычны факультэт
• Эканамічны факультэт
• Будаўнічы факультэт
• Факультэт электратэхнікі і вылічальнай тэхнікі
• Машынабудаўнічы факультэт
• Медыцынскі факультэт
• Факультэт мастацтваў
• Факультэт сельскай гаспадаркі і ветэрынарыі
• Факультэт спартыўных навук
• Педагагічны факультэт
• Архітэктурны факультэт^[1]

Зноскі

1. https://uni-pr.edu/page.aspx?id=1,8