Мішэль Барнье

Мішэль Барнье (фр.: Michel Barnier, нар. 9 студзеня 1951 года ў Ла-Троншы, Францыя) — французскі кансерватыўны палітык. Міністр замежных спраў Францыі з 31 сакавіка 2004 па 5 чэрвеня 2005 года. Еўрапейскі камісар па ўнутраным гандлі з 9 лютага 2010 года. Прэм’ер-міністр Францыі з 5 верасня 2024 года.

Мішэль Барнье
фр.: Michel Barnier
Прэм’ер-міністр Францыі з 5 верасня 2024
Нараджэнне	9 студзеня 1951(1951-01-09)[1][2][…] (73 гады) Ла-Тронш[d], дэпартамент Ізер, Францыя
Бацька	Жан Барнье[d]
Маці	Дэніс Барнье[d]
Жонка	Ізабэль Альтмаер[d][3]
Дзеці	Нікаля Барнье[d]
Партыя	Саюз за народны рух[d] Аб’яднанне ў падтрымку рэспублікі[d] Рэспубліканцы[d]
Адукацыя	ESCP Europe[4]
Узнагароды	Афіцэр ордэна Ганаровага легіёна Кавалер Вялікага Крыжа ордэна За заслугі перад ФРГ
Медыяфайлы на Вікісховішчы

Быў сябрам шэрагу партый галісцкага кола (UDR, RR, UMP і Рэспубліканцы), займаў некалькі пасад ва ўрадзе Францыі, у тым ліку міністра аховы навакольнага асяроддзя з 1993 па 1995 год, дзяржаўнага міністра па справах Еўропы з 1995 па 1997 год, міністра замежных спраў з 2004 па 2005 год, міністра сельскай гаспадаркі і рыбалоўства з 2007 па 2009 год.

На ўзроўні Еўрапейскага саюза быў еўракамісарам па ўнутраным рынку і паслугах з 2010 па 2014 год і віцэ-прэзідэнтам Еўрапейскай народнай партыі з 2010 па 2015 год. З кастрычніка 2016 года па лістапад 2019 года быў галоўным перамоўшчыкам ад ЕС у Мэтавой групе па падрыхтоўцы і правядзенні перамоваў са Злучаным Каралеўствам у адпаведнасці з артыкулам 50 Дамовы аб Еўрапейскім саюзе, затым з 2019 па 2021 год кіраўніком Мэтавай групы Еўрапейскай камісіі па сувязях са Злучаным Каралеўствам.

У жніўні 2021 года абвясціў, што будзе балатавацца ў прэзідэнты Францыі на выбарах 2022 года, але яму не ўдалося атрымаць дастатковую падтрымку на кангрэсе рэспубліканцаў у 2021 годзе.

5 верасня 2024 года прэзідэнт Эманюэль Макрон прызначыў яго прэм'ер-міністрам Францыі.

Зноскі

1. Michel Barnier // Sycomore / Assemblée nationale Праверана 9 кастрычніка 2017.

   <a href='https://wikidata.org/wiki/Track:Q193582'></a><a href='https://wikidata.org/wiki/Track:Q15271528'></a>
2. Michel Barnier // Brockhaus Enzyklopädie Праверана 9 кастрычніка 2017.

   <a href='https://wikidata.org/wiki/Track:Q237227'></a>
3. Média P. Isabelle Altmayer-Barnier Праверана 5 верасня 2024.
4. Bibliothèque nationale de France Record #12039409f // BnF catalogue général — Paris: BnF. Праверана 26 лютага 2024.

   <a href='https://wikidata.org/wiki/Track:Q90'></a><a href='https://wikidata.org/wiki/Track:Q193563'></a><a href='https://wikidata.org/wiki/Track:Q15222191'></a>

Спасылкі

• На Вікісховішчы ёсць медыяфайлы па тэме Мішэль Барнье