каля 1880 - 1935 From Wikipedia, the free encyclopedia
Міхал Чарноцкі (польск.: Michał Czarnocki; каля 1880 — 9 жніўня 1935, Варшава) — інжынер камунікацый, буйны землеўладальнік[1].
Паходзіў са шляхецкага роду Чарноцкіх герба «Ліс-Бзура». Нарадзіўся каля 1880 года ў сям’і Люцыяна Баляслава Чарноцкага (~1848-1905) і Алены з Бароўскіх[2][1].
Пасля смерці бацькі, ад 1907 года з’яўляўся ўладальнікам маёнтка Белавусаўшчына з фальваркам Чадзель і вялікім зямельным надзелам у 940 дзесяцін[3][1].
У 1911—1915 гадах працаваў на пасадзе дэпутата Таварыства ўзаемнага крэдыту ў Пружанах (узгадваецца як «M. Б. Чарноцкій») [4][1].
Служыў у польскім войску[1].
Выконваў функцыі ганаровага суддзі каронных судоў польскіх. У 1920-я гады займаў пасаду кіраўніка гміннага выбарчага камітэта, выходзілі яго разважальныя артыкулы ў газетах, як напрыклад пра выбарчыя справы[1].
У перыяд 1929—1933 гг. з’яўляўся кіраўніком Польскай школьнай маціцы (Polska Macierz Szkolna) ў Пружанскім павеце[5][1].
Да 1931 года быў старшынёй праўлення Кааператыўнага банка ў Пружанах па адрасе др. Пацэвіча, 20[6][1].
Памёр у Варшаве 9 жніўня 1935 года пасля доўгай хваробы. Памінальнае набажэнства і пахавальная працэсія адбыліся ў Пружанскім касцёле ранкам 12 жніўня. Пахаваны на Пружанскіх гарадскіх могілках у сямейнай пахавальні[7][1].
Быў жанаты, але бяздзетны[1].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.