Мікалас Алекна

У Вікіпедыі ёсць артыкулы пра іншых асоб з прозвішчам Алекна.

Мікалас Алекна (літ.: Mykolas Alekna; нар. 28 верасня 2002, Вільнюс) — літоўскі лёгкаатлет, рэкардсмен свету ў кіданні дыска (2024). Чэмпіён Еўропы 2022 года, сярэбраны прызёр чэмпіянату свету 2022 года і бронзавы чэмпіянату свету 2023 года. Ва ўзросце 19 гадоў ён заваяваў сярэбраны медаль чэмпіянату свету 2022 года, стаўшы самым маладым прызёрам чэмпіянату свету па кіданні дыска ў гісторыі.

Мікалас Алекна
літ.: Mykolas Alekna
Агульная інфармацыя
Пол	мужчынскі пол
Спецыялізацыя	кіданне дыска
Нарадзіўся	28 верасня 2002(2002-09-28)[1] (22 гады) Вільнюс, Вільнюскае гарадское самакіраванне, Вільнюскі павет, Літва
Грамадзянства	Літва
Альма-матар	Каліфарнійскі ўніверсітэт у Берклі[2]
Рост	1,94 м
IAAF	14841124
Медыяфайлы на Вікісховішчы

Біяграфія

Мікалас — сын алімпійскага чэмпіёна па кіданні дыска Віргіліюса Алекны. Яго брат Марцінас Алекна таксама з’яўляецца кідальнікам дыска.

У чэрвені 2022 года 19-гадовы Мікалас Алекна ўстанавіў свой новы асабісты рэкорд — 69,81 м, заняўшы другое месца на спаборніцтвах Брыльянтавай лігі ў Стакгольме, што стала рэкордам у кіданні дыска сярод спартсменаў гэтага ўзросту. На чэмпіянаце свету 2022 года, які праходзіў у ліпені ў Юджыне, штат Арэгон, ён саступіў толькі Крысцьяну Чэху, стаўшы самым маладым прызёрам чэмпіянату свету па кіданні дыска ў гісторыі. Менш як праз месяц на чэмпіянаце Еўропы 2022 года ў Мюнхене Алекна стаў чэмпіёнам.

29 красавіка 2023 года на турніры Big Meet у Берклі, Каліфорнія, Алекна стаў самым маладым кідальнікам дыска ў гісторыі, які пераадолеў адзнаку ў 70 метраў і ўстанавіўшы новы рэкорд Еўропы сярод спартсменаў не старэйшых за 23 гады.

У 2023 годзе на чэмпіянаце свету па лёгкай атлетыцы, які адбыўся ў Будапешце, Мікалас, у кіданне дыска, з вынікам 68,85 метра стаў бронзавым медалістам.

14 красавіка 2024 года на турніры Oklahoma Throws Series у ЗША 21-гадовы дыскабол паказаў вынік 74,35 м. Ён пераўзыйшоў на 27 см папярэдняе сусветнае дасягненне нямецкага атлета Юргена Шульта, устаноўленае ў 1986 годзе.

Зноскі

1. https://worldathletics.org/athletes/-/14841124
2. https://calbears.com/sports/track-and-field/roster/mykolas-alekna/23555