From Wikipedia, the free encyclopedia
Мукдэнскі інцыдэнт - падрыў чыгункі каля Мукдэна (сёння Шэньян) і наступ Квантунскай арміі Японіі на кітайскія пазіцыі, што стала пачаткам захопу Маньчжурыі і прадвесцем Другой сусветнай вайны на Далёкім Усходзе. Часам пад Мукдэнскім інцыдэнтам разумеюць усе ваенныя дзеянні канфлікту, з 18 верасня 1931 да 18 лютага 1932 года.
Мукдэнскі інцыдэнт | |||
---|---|---|---|
Асноўны канфлікт: Японская інтэрвенцыя ў Маньчжурыю | |||
![]() | |||
Дата | 18—19 верасня 1931 | ||
Месца | каля Мукдэна | ||
Вынік | перамога Японіі, захоп Мукдэна | ||
Праціўнікі | |||
|
|||
Камандуючыя | |||
|
|||
Сілы бакоў | |||
|
|||
Страты | |||
|
|||
![]() |
Пасля паразы ў руска-японскай вайне 1904-1905 Расійская імперыя перадала Японіі свае правы на арэнду бóльшей часткі Паўднёва-Маньчжурскай чыгункі. Часткі Імператарскай арміі Японіі (Квантунская армія) ахоўвалі дарогу на тэрыторыі Ляадунскага паўвострава да мяжы з Кітаем на поўдзень ад Мукдэна, у якой знаходзіўся кітайскі сямітысячны гарнізон крэпасці Бэйдаін пад камандаваннем Чжан Сюэляна. Камандаванне Квантунскай арміі выяўляла залішнюю самастойнасць на паўвостраве, што некалькі трывожыла Токіа, але, тым не менш, да 1930 года быў падрыхтаваны план па захопу Маньчжурыі.
Група японскіх афіцэраў (палкоўнікі Сэйсіра Ітагакі і Кэндзі Даіхара, падпалкоўнік Кандзі Ісівара, маёр Такаёсі Танака) 31 сакавіка 1931 года, паставіўшы ў вядомасць камандаванне, узгаднілі план правакацыі і наступнай атакі на Бэйдаін і Мукдэн. Пад выглядам плавальнага басейна для афіцэрскага клуба яны абсталявалі бункер і ўсталявалі ў ім дзве 9,2-цалевыя гарматы. Старэйшы лейтэнант Суэморы Камота, які вартаваў малоэксплуатуемы ўчастак чыгункі недалёка ад нейтральнай паласы, заклаў каля аднаго з двух шляхоў невялікі зарад выбухоўкі. Прыкладна ў 22:20 18 верасня адбыўся выбух, які пашкодзіў паўтара метра рэек. Праз некалькі хвілін па другім шляху ў Мукдэн шчасна прайшоў пасажырскі састаў.
Ноччу абедзве японскія гарматы пачалі бамбардзіроўкі Бэйдаіна, пасля чаго каля 500 японскіх салдат адправіліся на штурм крэпасці. Дрэнна навучаны кітайскі гарнізон адступіў з крэпасці, страціўшы амаль 500 чалавек забітымі, пасля чаго японцы захапілі і Мукдэн. Камандуючы Квантунскай арміяй генерал Сігэру Хандзё разгарнуў армію і рушыў яе ўглыб кантынента. Чжан Сюэлян, быўшы кіраўніком Паўночна-Усходняй арміі, нягледзячы на фармальнае прызнанне вяршэнства Чан Кайшы пасля Паўночнага вызвольнага паходу, быў вельмі варожа настроены ў адносінах да Гаміньдана. Ваенныя дзеянні ўсё ж прымусілі яго запытаць дапамогі ў Чан Кайшы. Аднак яму адказалі адмовай, і Чжан Сюэлян вымушаны быў адступаць, захоўваючы армію. Да канца зімы Манчжурыя была цалкам у руках японцаў.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.