Максі Гербер

Максі Гербер (ням.: Maxi Herber, 8 кастрычніка 1920, Мюнхен — 20 кастрычніка 2006, Гарміш-Партэнкірхен, Германія) — нямецкая фігурыстка, якая стала алімпійскай чэмпіёнкай у 1936 годзе ў парным катанні з Эрнстам Баерам. Дуэт быў першым, які выканаў паралельны скачок на спаборніцтвах. Гербер — самая маладая алімпійская чэмпіёнка па фігурным катанні ў гісторыі зімовых Алімпійскіх гульняў, якая выйграла іх ва ўзросце 15 гадоў 4 месяцаў і 5 дзён. Гэты ўзроставы рэкорд па цяперашніх правілах ужо немагчыма пабіць, бо фігурысты дапускаюцца да зімовых Алімпійскіх гульняў не раней за ўзрост 15 гадоў 5 месяцаў. У цэлым Гербер з’яўляецца самай юнай чэмпіёнкай з Еўропы ў гісторыі зімовых Алімпійскіх гульняў, маладзейшым за яе ўсю гісторыю толькі карэйскія шорт-трэкісткі Кім Юн Мі і Вон Хэ Гён, якія пабілі рэкорд Гербер у 1994 годзе.

Максі Гербер
Агульная інфармацыя
Пол	жанчына[1]
Спецыялізацыя	фігурнае катанне
Нарадзілася	8 кастрычніка 1920(1920-10-08)[2][3] Мюнхен, Верхняя Баварыя, Баварыя, Веймарская рэспубліка, Германскі рэйх[4]
Памерла	20 кастрычніка 2006(2006-10-20)[5][2][…] (86 гадоў) Гарміш-Партэнкірхен, раён Гарміш-Партэнкірхен[d], Верхняя Баварыя, Баварыя, Германія[6]
Грамадзянства	Германія
Медыяфайлы на Вікісховішчы

Гербер і Баер таксама былі чатырохразовымі чэмпіёнамі свету (запар з 1936 па 1939 год), пяціразовымі чэмпіёнамі Еўропы (запар з 1935 года па 1939) і пяціразовымі чэмпіёнамі Германіі (з 1934 па 1936, 1938 і 1939).

Акрамя таго Максі Гербер выступала і ў адзіночным разрадзе. Яна тройчы станавілася чэмпіёнкай Нямеччыны сярод жанчын (з 1933 па 1935 год), а на чэмпіянаце свету 1934 года была сёмай.

Пара здымалася ў фільме «Алімпія» рэжысёра Лені Рыфеншталь.

Пасля заканчэння аматарскай кар’еры ў 1940 годзе Гербер і Баер пабраліся шлюбам, у іх было трое дзяцей. Пасля Другой сусветнай вайны яны выступалі ў розных шоу, а пазней, у 1951 годзе, заснавалі ўласнае прадпрыемства «Лядовы балет Максі і Эрнста Баера» (ням.: Eisballett Maxi und Ernst Baier). Пасля яны прадалі свой бізнэс уладальнікам тура «Holiday on Ice».

Зноскі

1. Deutsche Nationalbibliothek Record #104665831 // Агульны нарматыўны кантроль — 2012—2016. Праверана 12 жніўня 2015.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
2. Maxi Baier // filmportal.de — 2005. Праверана 9 кастрычніка 2017.

   <a href='https://wikidata.org/wiki/Track:Q15706812'></a>
3. Maxi Baier // Munzinger Personen Праверана 9 кастрычніка 2017.

   <a href='https://wikidata.org/wiki/Track:Q107343683'></a>
4. Deutsche Nationalbibliothek Record #104665831 // Агульны нарматыўны кантроль — 2012—2016. Праверана 10 снежня 2014.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
5. http://www.iht.com/articles/ap/2006/10/21/sports/EU_SPT_OLY_Obit_Baier.php
6. Deutsche Nationalbibliothek Record #104665831 // Агульны нарматыўны кантроль — 2012—2016. Праверана 30 снежня 2014.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>