Міжнародны кінафестываль у Таронта (англ.: Toronto International Film Festival; TIFF) — штогадовы кінафестываль, які праходзіць у верасні ў Таронта (Канада).
| Кінафестываль у Таронта | |
|---|---|
 | |
 «TIFF Bell Lightbox» за дзень да афіцыйнага адкрыцця, здымак зроблены з рэстарана «Dhaba» насупраць. | |
| Месца | |
| tiff.net (англ.) | |
Фестываль з’явіўся ў 1976 годзе і насіў назву Фестываль фестываляў, бо на ім дэманстраваліся найлепшыя карціны з іншых кінафестываляў. У час першага Фестывалю фестываляў гледачам былі прадстаўлены 127 фільмаў з 30 краін. У 1994 годзе падзея была перайменавана ў Міжнародны кінафестываль у Таронта. З часам фестываль пашыраўся, і ў 2009 годзе ў праграму ўвайшлі 336 карцін з 64 краін свету.
Фестываль звычайна пачынаецца на тыдні пасля Дня Працы (англ.: Labour Day; свята, якое адзначаецца ў першы панядзелак верасня ў ЗША і Канадзе) і доўжыцца дзесяць дзён. З 2010 года асноўная праграма фестывалю праходзіць у ўльтрасучасным комплексе TIFF Bell Lightbox на поўдні Таронта. Будынак узведзены адмыслова для правядзення фестывалю.
Нароўні з кінафестывалем Сандэнс фестываль у Таронта лічыцца найбуйнейшым кінааглядам Паўночнай Амерыкі. Удзел карціны ў кінафестывалі значна павялічвае яе шанcы трапіць у паўночнаамерыканскі пракат. Кінафэст у Таронта часта выкарыстоўваецца як пляцоўка для выхаду ў свет фільмаў, чые стваральнікі спадзяюцца атрымаць прэмію Оскар. Удзел у міжнародным кінафоруме ў Таронта шмат у чым вызначае пракатны лёс большасці артхаўсных і незалежных фільмаў.
Конкурснай праграмы на Кінафестывалі ў Таронта няма: адзіны пераможца вызначаецца па выніках галасавання гледачоў, ім можа стаць удзельнік любой з фестывальных праграм.
Крыніцы
Спасылкі
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
