Крыстафер I (кароль Даніі)

Крыстафер I (дацк.: Christoffer 1., 1219 — 29 мая 1259) — кароль Даніі з 1252 года. Сын дацкага караля Вальдэмара II і прынцэсы Берэнгарыі Партугальскай, брат дацкіх каралёў Абеля і Эрыка IV. Абраны каралём 25 снежня 1252 года пасля смерці старэйшага брата Абеля.

Крыстафер I
манарх Даніі 1252 — 1259
Папярэднік	Абель
Пераемнік	Эрык V Кліпінг
Нараджэнне	1219[1] Рыбэ[d], Данія, Каралеўства Данія
Смерць	29 мая 1259 Рыбэ[d], Данія, Каралеўства Данія[1]
Месца пахавання	Сабор Рыбэ[d]
Род	Эстрыдсены
Бацька	Вальдэмар II Пераможца
Маці	Берэнгарыя Партугальская[d]
Жонка	Маргарыта Памеранская[d][2]
Дзеці	Эрык V Кліпінг, Мацільда Дацкая[d][3], Вальдэмар Крыстафсан[d][3], Нільс Крыстафсан[d][3] і Маргарыта Крыстафсдацір[d][3]
Медыяфайлы на Вікісховішчы

Біяграфія

Большую частку праўлення займаўся барацьбой са сваімі шматлікімі сапернікамі. Пасля прызнання сына Абеля кіраўніком паўднёвай Ютландыі Крыстафер спыніў яго спробы заняць дацкі трон, але гэта прывяло да таго, што гэта пагранічная тэрыторыя стала адносна незалежнай ад улады караля. Ён таксама быў вымушаны шукаць прымірэнне з каралямі Нарвегіі і Швецыі, справакаванымі ўварваннем Абеля на іх тэрыторыю, і саступіў асобным палітычным патрабаванням дацкай шляхты. Пры ім упершыню быў скліканы сярэдневяковы дацкі парламент Данехоф (дацк. Danehof).

Крыстафер быў адлучаны ад каталіцкай царквы, калі спрабаваў кананізаваць свайго брата Эрыка IV, які быў меркавана забіты Абелем ў 1250 годзе. Крыстафер арыштаваў архібіскупа Якаба Эрландсена пасля таго, як ён адмовіўся прызнаць яго сына Эрыка паўнапраўным спадчыннікам трона. Але адлучэнне мела нязначны эфект, і Крыстафер быў пахаваны па хрысціянскіх звычаях біскупам Рыбе.

Смерць караля была вельмі нечаканай. Неўзабаве пасля прыняцця Святой Камуніі ён памёр, але доказаў яго атручвання няма. Прыхільнікі Крыстафера, аднак, былі перакананыя ў яго атручванні і называлі яго «Krist-Offer» («Хрыстова ахвяра»).

Зноскі

1. Deutsche Nationalbibliothek Record #136913040 // Агульны нарматыўны кантроль — 2012—2016. Праверана 12 жніўня 2015.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
2. (unspecified title) Праверана 7 жніўня 2020.
3. Lundy D. R. The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>

Літаратура

• Христофор I // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.