Кляштар Святой Брыгіты

Кляштар Святой Брыгіты, Кляштар Святой Біргіты (эст.: Pirita klooster, Пірыта) — былы кляштар у Таліне, Эстонія. Належаў Ордэну Святой Біргіты.

Славутасць
Кляштар Святой Брыгіты
Pirita klooster
Руіны кляштара
59°28′00″ пн. ш. 24°50′10″ у. д.HGЯO
Краіна	Эстонія
Горад	Талін
Канфесія	каталіцтва
Епархія	Апостальская адміністратура Эстоніі
Ордэнская прыналежнасць	Ордэн Святой Брыгіты
Тып	агульны
Тып будынка	кляштар
Архітэктурны стыль	готыка
Дата заснавання	XV стагоддзе
Будаўніцтва	1407
Дата скасавання	1575
Статус	ахоўваецца дзяржавай
Стан	рэшткі
Сайт	piritaklooster.ee
Медыяфайлы на Вікісховішчы

Кляштар быў найбуйнейшым кляштарным збудаваннем у Лівоніі.

Будаўніцтва жаночага кляштара Ордэна Святой Біргіты распачалі заможныя талінскія купцы ў 1407 г. Будынак ўяўляў сабой тыповую для сярэднявечча сакральную пабудову ў познегатычным стылі. На сёння ад усяго комплексу, разбуранага у 1575 годзе ў ходзе Лівонскай вайны рускімі войскамі, захаваўся толькі заходні франтон кляштарнай царквы, вышынёй 35 м, і яе бакавыя сцены. У XVII стагоддзі побач з руінамі кляштара былі зроблены могілкі, на якіх хавалі мясцовых сялян.

Своеасаблівасць гэтага жаночага кляштара — у ім дазвалялася жыць і весці набажэнствы святарам мужчынскага полу.

У цяперашні час старажытныя руіны манастыра ператварыліся ва ўнікальную славутасць і месца для адпачынку. Тут ладзяцца канцэрты пад адкрытым небам. На тэрыторыі манастырскіх руінаў праводзяцца экскурсіі.

Цікавыя факты

У 1965 годзе на тэрыторыі кляштара праходзілі здымкі мастацкага фільма «Горад майстроў» (кінастудыя «Беларусьфільм», рэжысёр Уладзімір Бычкоў).

Спасылкі

Аб'ект рэестра культурных каштоўнасцей Рэспублікі Эстонія, № 1192

• На Вікісховішчы ёсць медыяфайлы па тэме Кляштар Святой Брыгіты
• Афіцыйны сайт (эст.) (англ.)
• Старонка пра кляштар на сайце Віртуальных шпацыраў VirtualGuide.ru