From Wikipedia, the free encyclopedia
Квінт Фабій Максім Кунктатар або Квінт Фабій Максім Верукоз (лац.: Quintus Fabius Maximus Cunctator або лац.: Quintus Fabius Maximus Verrucosus; памёр у 203 годзе да н.э., Рым, Рымская рэспубліка) — старажытнарымскі военачальнік і палітычны дзеяч, консул у 233, 228, 215, 214 і 209 гадах да н.э. У 233 годзе да н.э. атрымаў перамогу над лігурамі. Да пачатку Другой Пунічнай вайны быў адным з самых уплывовых палітыкаў рэспублікі; верагодна, менавіта ён аб’явіў у 218 годзе вайну Карфагену ад імя Рыма.
Квінт Фабій Максім Кунктатар | |
---|---|
лац.: Quintus Fabius Maximus Verrucosus | |
![]() | |
Род дзейнасці | старажытнарымскі палітык, старажытнарымскі ваенны |
Дата нараджэння | не раней за 279 да н.э. і не пазней за 275 да н.э. |
Месца нараджэння | |
Дата смерці | 203 да н.э.[1] |
Месца смерці | |
Грамадзянства | |
Бацька | Quintus Fabius[d] |
Маці | невядома |
Жонка | невядома |
Дзеці | Quintus Fabius Maximus[d] |
![]() |
Выступаў за асцярожную тактыку ў барацьбе з Ганібалам. У якасці дыктатара ўзначаліў рымскае войска ў 217 годзе, пазбягаў вялікіх бітваў і імкнуўся наносіць шкоду ворагу, дзейнічаючы на яго камунікацыях і выкарыстоўваючы тактыку «выпаленай зямлі». Такім самым чынам ён дзейнічаў і ў кампаніях 215 і 214 гадоў у якасці консула. Вынікам стала істотнае паслабленне арміі Ганібала і звужэнне тэрыторыі, якую кантралявалі карфагеняне ў Італіі.
Апошняе дзесяцігоддзе свайго жыцця (213—203 гады да н.э.) Квінт Фабій правёў пераважна ў Рыме, з’яўляючыся адным з самых уплывовых сенатараў. Ён няўдала супрацьдзейнічаў Публію Карнелію Сцыпіёну (у будучыні Афрыканскаму), які настойваў на больш актыўных дзеяннях супраць Карфагена.
Антычныя аўтары, пачынаючы з Квінта Энія, прыпісвалі Квінту Фабію выключныя заслугі ў Другой Пунічнай вайне: было распаўсюджана меркаванне, што менавіта «марудлівасць» Квінта Фабія выратавала Рым.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.