Калосьсе (1993)

«Кало́сьсе» — літаратурна-мастацкі альманах Таварыства Вольных Літаратараў^[1].

«Калосьсе»
Тып	часопіс
Выдавец	Таварыства вольных літаратараў
Галоўны рэдактар	Алесь Аркуш
Заснавана	1993
Мова	беларуская

Заснаваны ў 1993 годзе. Першы нумар выйшаў у Пастаўскай друкарні^[2]. Галоўны рэдактар — Алесь Аркуш. Сталымі аўтарамі часопіса з’яўляюцца Вінцэсь Мудроў, Юрый Гумянюк, Ігар Сідарук, Сяргей Шыдлоўскі. У 2006 годзе выйшаў 11 нумар альманаху.

Часопіс друкаваў мастацкія творы, ад якіх з розных прычынаў адмовіліся дзяржаўныя літаратурныя выданні. Не менш за палову аб’ёму нумароў часопіса складалі творы рэгіянальных аўтараў. Альманах аказваў падтрымку пісьменнікам-нонканфармістам^[3].

У артыкуле «Antonim», прысвечаным першаму нумару часопіса, адзначаецца, што ён працягвае справу віленскага «Калосся»^[4], адзін з чытачоў якога (Іван Фурсевіч) нават стаў адным з аўтараў альманаха^[5]. У рэцэнзіі на дзясяты нумар альманаха адзначаецца, што ў выпуску ўспаміны і артыкулы жывых літаратараў чаргуюцца з творамі мёртвых пісьменнікаў^[6]. На думку Людмілы Рублеўскай, часопіс не мае шырокага розгаласу з-за адсутнасці прапісцы ў Мінску^[7].

Зноскі

1. Адноўлена выданьне літаратурнага альманаху “Калосьсе” (нявызн.). Радыё «Свабода» (10 красавіка 2006). Архівавана з першакрыніцы 2 мая 2020. Праверана 30 лістапада 2024.
2. Алесь Аркуш. З гісторыі полацкага самвыду (1971—1996 гг.) // Недзяржаўная выдавецкая дзейнасць у Беларусі: гісторыя і сучаснасць : матэрыялы Міжнароднай навукова-практычнай канферэнцыі (Мінск, 3—4 кастрычніка 1996 г.). — Мінск: Тэхналогія, 1997. — С. 26.
3. Алесь Аркуш. Дзесяць гадоў без Галоўліту // Правінцыя. — 2000. — № 1—2.
4. Ahladalnik. Antonim // Naša Niva. — 1993. — № 18. — С. 4.
5. Аксана Бязлепкіна. Маладзёжны літаратурны рух у Беларусі напрыканцы ХХ ст.: Таварыства Вольных Літаратараў // Роднае слова. — 2005. — № 4 (208). — С. 97.
6. Павал Абрамовіч. Краіна мёртвых паэтаў // ARCHE Пачатак. — 2007. — № 1—2 (53). — С. 223—226. Архівавана з першакрыніцы 27 чэрвеня 2021.
7. Людміла Рублеўская. Дапісацца да міленіюму: Агляд беларускага літаратурнага друку за 1999 год // ARCHE Пачатак. — 2000. — № 2 (7). Архівавана з першакрыніцы 5 мая 2006.

Спасылкі

• Афіцыйны сайт часопіса (нявызн.). Праверана 28 чэрвеня 2021.
• Калосьсе (нявызн.). Kamunikat.org. Праверана 18 верасня 2020.